Inquisia super hereditate de Tali et de Bornallo.
Hec est inquisicio quam inquisierunt facere domnus iudex Didacus et domnus Ramirus inter Petrum Fernandici d’Ezenio et Petrum Fernandici de Louro quod est personarius de Sancto Iusto, et placuit illis ut caperent istam inquisicionem et posuerunt ibi IIIIor homines bonos quos ad diem placiti habere non potuerunt excepto uno de parte Sancti Iusti, tunc sub uno statuerunt alios bonos tres inquisitores cum illo quarto ut reciperent eorum inquisicionem quorum nomina sunt hec: Stepahnus, presbiter de Roo; Munio, presbiter de Tali; Arias Petrici de Cambeiro et Sarracenus Uimarati. Et exquisierunt ex populo et plebe terre quod Adosinda Pelagici et Trudillis Pelaici habuerunt in sua portione omnem hereditatem de Tali et de Bornalio cum sua directura siue de auio quomodo de ganancia et medium de Estario quam ganauerunt de Gudesteo de Ezenio nec ipse Petrus unquam uenerunt in istas hereditates nisi abunc faciendum de parentibus et quando ipse uenit cum forcia sine directura non pro iure hereditatis.
