Carta de Johanne Romariquici et uxor sue de Pedrouzos et de Senares.

In Dei nomine. Ego Johannes Romariquici et uxor mea Odroza Pelaici et filii et filie nostre tibi abbati Pelagio Sancti Iusti et omnibus fratribus et tibi Petro Johannici et uxori tue et tibi Petro Arias et uxori tue, vobis omnibus supradictis in Domino salutem, amen. Placuit nobis iamdictis ut faceremus uobis kartulam uendictionis de hereditate nostra propria <quam> habemus de suscepcione abiorum et parentum nostrorum siue de ganancia quomodo et de auolencia, et est ipsa hereditas in territorio Amaea secus fluuium Tamar, concurrente ad ecclesiam Sancti Thome de Oliames, in villa nominata Pedrouzo de Senares. Concedimus uobis inde nostrum quinionem ab omni integritate, id est IIII^a de Va, et de illa VI^a que comp<ar>auit Pinuici cum sorore sua Froylu de Pinuici VIIIam; et de illis marcis de Guntina usque ad fundum de Rodondo de VII^a que fuit de illa quinta de Goegeua III^am. Damus tibi abbati Pelagio et concedimus medietatem integram et Petro Iohannici et Petro Arias aliam medietatem per suos terminos antiquos per ubi eam potueritis inuenire exceptis inde IIII^or lareas de terra que iam uendiuimus ad Arias Fernandici et uxori sue in Cabanela super illam ripam, unam in fundo de longaria, aliam ad ortale de Peraria, mea porcionem in agro de Redondo in directo illa eyra margines tres. Damus uobis omnem aliam hereditatem atque concedimus pro que accepimus de uobis precium, id est solidos LXI de merguliensis et de milio talegas V que nobis a uobis bene complacuit, et de precio apud uos nichil remansit in debito; habeatis eam usque imperpetuum et faciatis ex ea que uestra fuerit uoluntas. Siquis tamen, quod fieri non credimus, ex nostra parte uel ab extranea hanc kartulam frangere temptauerit pariat ipsa hereditatem duplatam et insuper solidos C exsoluat.

Facta carta uendicionis VII^o kalende junii in era I C L^XL I.

Ego Iohannes et uxor mea Odrozia et filii et filie nostre in hac karta manus nostras roboramus.

Q. p. f.: Petrus, ts. Pelagius, ts. Martinus, ts.

Munio, presbiter, qui notuit et conf.