Placitum de Gudesteo Gudestei, canonico sarensis, cum fratribus suis de hereditate de Brium.

Era Ma CCa XXa VIIIa et quotum Xo kalendas octobris. Ego Gudesteus Gudestei, canonicus Saris, filius Vrrace Froyle, pro me et pro meis germanis et omnis uox mea; et ego Pelagius Arie dictus Pexon, filius de Maiore Froyle, pro me et pro meis iermanis et omnis uox mea; et ego Guntrode Froyle et omnis uox mea, vobis domno Petro, monasterii Sancti Iusti abbati, omnique conuentui et uoci ipsius monasterii, facimus pactum et abnutionem firmissimam in solidos CCC roboratam de illa hereditate de uilla pernominata Vara quam auola nostra domna Tygria Nazanze dedit eide monasterio quam ei dederat vir suus Froyla Sarrazenze in dotem. Et ideo uobis illam nunc dimittimus ut nunquam aliquis ex genere nostro sit ausus uos pro ipsa hereditate ad calumpniam ducere, propter hoc datis nobis in robore XXV solidos et nos facimus uobis istam agnutionem ut habeatis illam liberam imperpetuum de nobis et de genere nostro. Siquis tamen propinqus uel extraneus contra hanc agnutionem ad irrumpendum uenerit uel uenerimus sit maledictus usque in septimam generationem et quantum calumpniauerit in duplo uel triplo componat, et insuper CCC solidos; et hec agnitio semper obtineat robur.

Nos iamdicti in hac agnitione manus nostras roboramus.

Q. p. f.: Rodericus Petri dictus Carnota, conf. Guterre Muniz, canonicus Saris, conf. Pelagius Pelaiz, confirma. Johannes Petri, filius domne Ledegunde, conf. Petrus Mauro, alfayate, conf. Pelagius Froyle, pelliparius, conf. Martinus Petri,  conf. Petrus Petri, conf. Petru Uillielmiz, conf. Johannes Fernandiz, conf.

Ego Gudesteus Gudestei, conf.

Suerius notuit. (Monogramma: SVERIUS).