Notario y escrivano de cavildo año de 1397, señor don Lope de Mendoza, arzobispo. No fue sino el señor arzobispo don Juan, consta del instrumento antezedente.¹

Nós el arçobispo de Santiago, perpetuo administrador de la eglesia e obispado de Tuy, chançeler mayor de noso señor el Rey, mandamos a uós el deán e cabildo de la nuestra eglesia de Santiago e al despensero e contadores e otros quales quier ofiçiales del dicho cabildo sub pena d’escomonyón et de la nuestra merçed que de aquí endelante non contedes nen dedes salario alguno a los reposteros e pinçernas njn a cada vno dellos, que asaz les abasta seerem quitos e exemptos porlos dichos ofiçios, nen otrosý más que a vn notario que sea Afonso Eanes Iacob, et que aya çento et çinquenta libras cada ano segundo que agora las leua et que sea tenudo de uos seruir en todoslos contractos e auctos que requesçerem al cabildo sin otro preçio alguno. Et outrosý mandamos so las dichas penas a Garçía Suares e a él que den todos los contractos que por eles en su tienpo passarom sin preçio alguno pues foron salariados. E los vnos e los otros non fagades end’al sob las dichas penas. Dada en la nuestra çibdade de Santiago, vijnte [sic] e septe días del mes de março, anno Domini Mº CCCº XCº séptimo. Archiopiscopus [sic] conpostellanus.
    
Concordado porlo ouriginal scripto en papel e firmado do nome do dito señor arçibispo.

Fui procura(u)do² ẽno púlpito do coro, seendo y don Gonçalvo Sanches, deán, e o cabídoo por canpãa tangida, por Garçía Peres do Canpo, procurador do [dito] cabídoo. Tres días d’abril, ano conteúdo no dito alualá. Testemoias: Vaasco Marques e Johán Fernandes e Ruy Fernandes, raçoeiros da dita igleja, Gonçalvo Dominges, porteiro do dito cabídoo.

¹ Marxe esquerda, letra do século XIX.
² Uso os ( ) para marcar letras que o escriba puxo e non facían falla.