Notum sit omnibus per hoc perpetuum scriptum quod ego Johanes Velasci de Palaciis Sancti Claudis vendo vobis Laurencio Domenici servienti magistri Petri decani Auriensis et uxori vestre Marie Iohanis dicte Palle omnique voci vestre in perpetuum concedo medietatem duarum leyrarum vinearum quas habeo in Palaciis que fuerunt Elvire Fernandi uxoris mee pro qua medietate dedi canbium ecclesie Sancti Claudii predicte, quam medietatem ipsam mandaverat eidem ecclesie, quarum una iacet in Castelarina inter vineam Petri Martini cerdonis de Area Episcopi et inter vineam que fuit Martini Nateyro de Belmonte et superius intestat in vinea Martini Didaci de Sorveyra et inferius in leyra vestra, altera iiº iacet ubi vocatur Lavandeyra inter leyras donni Arie Pelagii et filiorum suorum ex utraque parte et superius intestat in leyra Johanis Fernandi de Rio et inferius in rivulo qui fluitur de Modorra. Vendo vobis dictam medietatem de decima deo pro xl^a morabetinis monete alfonsine alborum ad xvi^a denarios pro i^o morabetino, quod vos et omnis vox vestra habeatis eam ex nunc iure hereditario in perpetuum possidendam. Et obligo me deffendere vos cum eis ad directum per me et per omnia bona mea tam habita quam habenda, quia profiteor me iam totum precium pro eis a vobis integre recepisse in pecunia numerata. Siquis igitur contra hac venerit iram dei omnipotentis incurrat et vobis dictam medietatem in dupplum restituat et parti regie in pena l^a morabetinos persolvat, carta nichilominus in suo robore permanente. Fac(ta) carta Aurie iiiiº idus iunii in era mª cccª xxxª vª, regnante donno Fernando, episcopo Aurie donno Petro Iohanis.

Testis Alfonsus Petri clericus decani lucensis, Nicholaus Iohanis homo dicti decani, Alfonsus Domenici de Palaciis.

Et ego Johanes Martini publicus notarius auriensis qui interfui et scripsi et signum meum apposui.

(signum)

[reverso]          Carta de Paaços de Sant Cloyo.