Carta de hereditatibus de Amaya que fuerunt domni Alfonsi Petri et uxoris sue domne Ouroane Petri.

Laudabilis est scripture thesaurus, memoriam enim excitat et actionum seriem sua incommutabili posteris loquitur ueritate, qua propter ego Adefonsus Petri, miles, et uxor mea Ouroana Petri una cum filiis et filiabus nostris et omnis uox nostra pro Dei amore et beate virginis Marie vobis domno Johanni, monasterii Sancti Justi abbati, et omnibus fratribus tam presentibus quam futuris ibidem commorantibus omnique uoci ipsius monasterii, grato animo et spontanea uoluntate facimus testamentum et cartulam donationis simul et uenditionis imperpetuum ualituram de tota hereditate nostra quanta habemus uel habere debemus de auolencia et de ganancia in villa Costahela et in ambabus Derris et in Uilla Noua et in villa Destros et in Senares et in alio Senares et in Casale Donego et in A Mamoa et in villa de Gandera, et etiam de quanto habemus uel habere debemus de voce de Villa Octa et de casale de Lagena et de Papi tam ecclesiatica quam laycali ex aqua de Papi usque ad ecclesiam Sancti Thome per ubicumque uadit uox ipsarum hereditatum; et sunt iste hereditates in territorio Amaya sub aula Sancti Thome et sub aula Sancti Christofori de Papi. Quas hereditates habui ego Ouroana Petri ex parte patris mei do<m>ni Cothalaya et matris mee Maioris Iulianci et de comparacione quam ego feci cum predicto viro meo Adefonso Petri; et habemus nos istas hereditates modo liberas et pacificas et diuisas per colmelos de germanis nostris. Damus itaque nos uobis predicto abbati et monasterio uestro prenominatas hereditates cum casis et casalibus, cum edificiis et plantacionibus, cum montibus et fontibus, cum ingressibus et cum quanto aprestitum hominis est pro Dei amore et pro remedio animarum nostrarum et parentum nostrorum, et quia uos promittitis mihi Alfonso Petri et uxori mee Ouroane Petri dare tantum in uita nostra VI modios de pane per talegam de ecclesia Sancti Thome de milio et de secunda annuatim et XXX solidos ex die sancti Michaelis usque // ad diem sancti Martini, et quia recipitis nos in omnibus beneficiis monasterii uestri, et extraitis de pignore hereditatem de Senares de LX solidis pro quibus iacet; et datis etiam nobis duos puldros de equabus uestris pro robore, unum in hoc anno et alterum in alio. Damus etiam uobis cum predictis hereditatibus quantum habemus uel habere debemus in ipsis villis de Occa cum omnibus suis uocibus et cum quanto aprestitum hominis est per suos terminos et loca antiqua. Habeatis igitur uos totas ipsas predictas hereditates hodie et possideatis eas uos et omnis posteritas uestra et de eis omnem uoluntatem uestram faciatis in secula seculorum. Siquis autem ex parte nostra uel de extranea contra hoc uoluntarium nostrum factum uenerit sit maledictus usque in VII^am generationem et pariat quicquid in calumpniam miserit duplatum uel triplatum et insuper solidos mille; et hoc scriptum semper firmum obtineat robur.

Facta carta donationis simul et uenditionis sub era M^a CC^a L^a I^a et quotum V^o kalendas nouenbris.

Ego Alfonsus Petri, miles, et uxor mea Ouruana Petri in hoc scripto quod fieri iussimus manus roboramus.

1^a columna: Q. p. f.: Arias Petri de Baainas, ts. Frater eius Johannes Infante, ts. Petrus Petri dictus Sandu, clericus, ts. Munio Froyle, miles, ts. Arias Petri dictus Patuchu, ts. Petrus Faupa, miles, conf. Petrus Guestei, miles, conf. Didacus Saluatoris, miles, conf. Petrus Nuniz, presbiter, conf.

2^a columna: Saluator Cresconii, presbiter, conf. Petrus Muniz, subdiaconus, conf. Ordonius Didaci, subdiaconus, conf. Petrus Petri, clericus, conf. Petrus de Iales, vicarius terre, conf. Froyla Petri dictus de Breis, conf. Omnes filii ecclesie Sancti Thome de Oliames qui uiderunt hoc et audierunt.

Dominicus, presbiter, qui notuit.