Carta Marie Petri et viri sui Petri Martini de hereditate de Fonsin et de Cornanda et de Villa Noua.

In nomine Domini nostri Ihesu Christi, amen. Ea que uenduntur atque donantur, et cetera. Ea propter ego Marina Petri et uir meus Petrus Martini vna cum fratre nostro Didaco Petri et cum uniuersis filiis et filiabus nostris et cum omni uoce nostra vobis domno abbati Petro monasterio Sancti Iusti et cunctis fratribus eiusdem loci et omni uoci uestre, prompto animo et spontanea uoluntate, facimus textum scripture firmitatis et kartulam uendicionis imperpetuum ualituram de hereditatibus nostris propriis quas habemus in valle Cornanda subtus monte Luanie concurrentes ad ecclesiam Sancte Marie eiusdem Cornande, loco certo in uilla noua nominata Afonsim et Cornanda, quas habemus ex parentibus nostris tam de auolencia quam de ganancia; quantum ibi habemus et nobis conuenit in prefatis villis et in tota ipsa valle ab integro libere et firmiter uobis damus et concedimus sine nostris fratribus et sororibus qui in aliis integrati sunt pro precio et robore quod nobis et uobis bene complacuit, id est marcas VIII^o et fertonem vnum argenti canonice, et de precio nec robore nichil remansit indebitum. Ab hinc et deinceps vendatis, donetis, commutetis et totam uestram uoluntatem cunctis diebus faciatis iure hereditario per cuncta secula. Quod siquis nos aut aliquis in nostra uoce qui contra hoc nostrum spontaneum factum ad irrumpendum uenerit uel uenerimus quisquis fuerit quantum in calumpnia miserit in duplo uel t<r>iplo componat et parti uestre marcas XVI et dimidia persoluat; et hoc nostrum spontaneum factum semper robur obtineat.

Facta kartula uenditionis et confirmacionis XI kalendas septembris, era M^a CC^a XIIII^a.

Nos iamdicti in hanc kartulam manus nostras.

Q. p. f.: Petrus, ts. Pelagius, ts. Didacus, ts. Don Cothalay, conf. Petrus Ramiriz, conf. Arias Didaci, conf. Johannes Paparo, conf. Petrus Muniz, sellarius.  Archidiaconus. Barosus, conf. Petrus Besezu, conf. Petrus Petri, filius eius, conf.  Munio Pelaiz, conf. Martinus Martini, conf. Ego Petrus Iudex, conf.  Ego Petrus Martini, conf.

Martinus Francus qui notuit. (Signum).