Carta de Maria Iohannis et de Marina Iohannis de hereditate de Villa Verde et de Agrelo et de Roo et de Moyno.

In nomine Domini nostri Ihesu Christi, amen. Notum sit omnibus quod ego Marina Iohannis et soror mea Maria Iohannis et omnis uox nostra grato animo et spontanea uoluntate vendimus et firmiter concedimus vobis Petro Martini, abbati monasterii Sancti Justi de Tribulis Altis, comparanti pro uobis et pro omni conuentu eiusdem predicti monasterii terciam partem de quanta hereditate auia nostra Trudilli Pelaiz habebat et habere debebat de auio et de ganancia in tota filigresia Sancte Marie de Roo in villis nominatis videlicet in Villa Viride et in Agrelo et in Roo et in Molendino et in fluuio Tamare et in omnibus aliis locis in ipsa predicta filigresia ubi eam potueritis inuenire in uoce Pelagii Calui pro solidis LXXII legionensis monete pro precio et robore; et de precio et de robore nichil, et cetera. Et decetero habeatis, et cetera; et debemus uos cum illa amparare, et cetera, et per bonum fideiussorem quem uobis proinde damus, \scilicet/ Fernandum Iohannis, miles de Spaarit, ipso presente, et cetera. Siquis igitur contra hanc cartam ad irrumpendum uenerit quisquis ille fuerit uel fuerimus pectet uobis uel monasterio solidos C^m X^La IIII^or legionensis monete; carta nichilominus in suo robore permanente.

Nos iamdicte, et cetera.

Facta carta venditionis XII kalendas martii sub era M^a CC^a LX^La.

Q. p. f.: Petrus Cresconii. Petrus Gatinus, miles. Martinus Arie, mercator Noye. Alfonsus Martini et Petrus Petri, monachi eiusdem predicti monasterii.

Ego Johannes Petri, notarius concilii Noye juratus, scripsi.

Petrus Didaci, notarius Noye.