Notum sit omnibus per hoc scriptum perpetuo valiturum quod nos Martinus Iohanis, Therasia Iohanis et Elvira Iohanis fratres, filii Johanis Alfonsi quondam mercatoris auriensis et Maioris Iohanis quondam moratorum in Pena Vigia, vendimus vobis magistro Iohani de Sorbaria canonico auriensi nomine nostro et nomine dicte Maioris Iohanis nostre genitricis duas leyras vinearum quas habemus in parrochia de Saxo Albo loco vocato Montooscos, quarum una iacet inter leyram Johanis Domenici et Marie Petri ex parte inferiore et leyram Menendi Munionis ex altera et superius ferit in alia vestra vinea et ex parte alia dividit cum leyra que fuit Marie Lupi. Item alia iiª leyra iacet inter leyram que fuit Martini Limiano ex parte una et leyram Marie Lupi ex altera et superius intestat in alia leyra dicti Menendi Munionis et inferius ferit in via que ducit de Cumeal ad Montooscos. Vendimus vobis dictas leyras de foro de tercia capitulo auriensi et liberas ab omni alio inpedimento ut vos et omnis vox vestra habeatis eas ex nunc iure hereditario perpetuo possidendas et de eis faciatis quicquid vestre placuerit voluntati, servato iure ecclesie auriensis et consuetudine civitatis. Totum enim pretium quod nobis et vobis conplacuit videlicet ducentos et viginti quinque morabetinos monete albe domini regis Fernandi de qua conputantur xvi par pro tribus morabetinis confiteamur nos a vobis plenarie recepisse in pecunia numerata. Omne ius, dominium, possesionem et proprietatem quod habemus in dictis leyris anbis ex nunc removimus et per tradicionem istius carte quam inde vobis mandamus fieri in vestram transfferimus potestatem. Et obligamus nos et omnia bona nostra tam habita quam habenda et bona dicte Maioris Iohanis matris nostre. Et insuper damus fideiussorem Stephanum Fernandi moratorem in vico Vilaris presentem et omnia bona sua ad hanc fideiussionem obligantem ut senper vos totanque vocem vestram cum dicta vendicione defendere ad directum. Siquis igitur contra hanc nostram vendicionem in aliquo venire temptaverit habeat iram dei omnipotentis et incurrat nostram maledicionem et quantum quisierit vobis vel voci vestre in duplum restituat et |et| voci regie c mor. bone monete de pena persolvat, presente carta nichilominus suo robore permanente. Facta carta Aurie, xiiiiº kalendas januarii, era mª cccª xlª vª. Presentibus testibus Alfonso Iohanis clerico chori, Petro Alvari rectore Sancti Jacobi de Gostey, Johane Petri dicto Anton, Johane Domenici d’Abilles, Martino Domenici, Petro Martini scriptore servientibus thesaurarii, Petro Sancii de Saxo Albo.

Et me Bartholomeo Petri auriense thesaurario eiusdemque civitatis chancellario adibito et rogato premissis interfui et in mea presencia scribi feri signumque meum quod tale est apposui in testimonium rei geste.

(signum)

[reverso] Cartas de maestre Iohan de Sorveyra.