Christus. In Dei nomine. Ego Velasquita confessa, prolis Ruderiz et Adosinde, tibi Manillani abbati et fratribus tuis monasterio Cellenovense, in Domino Deo eternam salutem, amen. Dubium quidem non est sed multis manet notum eo quod ganavi villas et hereditates in ripa Minei cum viro meo dive memorie Munius Godesteiz. Est illa una cum vineis ubi se Barra in Mineo fundit, quam nobis Bellita dedit, et illa alia de Eldebredo vinatario de monasterio Cellenovense. Et placuit mihi bone pacis voluntas, nullo cogentis imperio neque pertimescentis metum quod est fraudis ingenium, sed propria mihi adfuit voluntas ut vobis domno Manillani abbati facerem vobis de ipsas hereditates cartulam concessionis firmiter et inrevocabiliter ad perabendum pro remedio anime mee, et de sepedicto viro meo Munioni, ut abeant inde fratres et qui in vita sancta perseveraverint temporale subsidium, et nos ante Deum premium inconvulsum. Ita ut de odie die vel tempore sint ipsas hereditates de iuri nostro abrasas, et in vestro iure traditas atque confirmatas, abeatis vos et qui ibidem in vita sancta perseveraverint. Si quis tamen, quod fieri non credimus et fieri minime opportet, aliquis homo contra hanc scripturam concessionis ad irrumpendum venenrit vel venerimus tam de propinquis meis vel extraneis, quisquis ille fuerit, inprimis sit excommunicatus et / anathematus atque malcedictus et a fide calitholica et a comune redemptione Dominica maneat aliciuis, et post obitum suum in inferni baratro cum Domini Iuda traditore in exteriores tenebras confusus lugeat penas eternas amen. Et temporali sententia conponat ipsas hereditates duplatas vel triplatas, et cui lex dederit auri talentum, et hanc scripturam firmam et stabilitam maneat usque in finem venturum.

Facta cartula testamenti Vº kalendas Iulii. Era tunc discurrente post Millesima terdena et quini.

Velasquita confessa prolis Ruderiz et Adosinde quod fieri elegi mente tota et voluntate propria in hanc scripturam concessionis manu mea roborem iniecit (signum).

Qui presentes fuerunt et veritatem viderunt: Vitizani prepositus Cellenovense quod vidit et firmiter cfr. Fortis cfr. Lubiani confesus cfr. Sive et omnis congregatio monasterio Cellenove.