Era Mª CCCª XLª Vª. Noverint universi qui capitulum lucensis [...] fratri Fernando Iohannis de Asma doctori ordinis fratrum predicatorum quasdam postillas super hystorias et Ysayan et partem questionum theologie in uno volumine.

Item unun volumen sermonun item postillas super testamentum novum in uno volumine. Item apochalipsim et Ysayam grosatam in alio volumine. Item ystorias scolasticas in alio volumine. Item pastoralem beati Gregorii cum quadam postilla super Iob in alio volumine. Quos libros si non dederit vel aliquo casu amiserit ruina, naufragio, incendio et sic de ceteris debet dare capitulo lucensis septigentos morabitinos monete regis domni Fernandi vel valorem ipsius. Et sciendum que si dictus frater Fernandus Iohannis non dederit hystorias scolasticas et librum pastoralem debet dare pro ipsis CCCtos morabitinos, et pro aliis quadrigentos morabitinos predicte monete. Et ad hoc omnia supradicta et singula complenda, tenenda et servanda dat fideiussores Alfonsum Martini militem lucensis et Fernandum Alvari porcionarium eiusdem quilibet eorum in solidum ipsis presentibus et singulis omnibus consentientibus.

Qui presentes fuerunt: Magister Alffonsus archidiaconus de Deçon, domnus Iohannes Bezerra iudex, Arias Petri, Fernandus Fernandi et Petrus Didaci, canonici lucensis; frater Dominicus ordinis predicatorum; Alfonsus Roderici et Alfonsus Petri et Fernandus Martini, clerici cori.

Actum Luci in era predicta et quotum XVIIº kalendas februarii.

Et ego Franciscus Lupi, publicus notarius lucensis, promisis omnibus rogatus interfui et notui et signum meum apposui in testimonium veritatis.