B 25
1453, outubro, 11. Vilamaior-Mondoñedo.
O bispo de Mondoñedo, don Alonso Segura, despois de transcribi-la precedente bula do papa Nicolás V, execútaa dando comisión para a unión de préstamos á Mesa Capitular da súa catedral.
A, perg., con selo notarial, de 600 x 383 mm. Letra cortesá.
Alfonsus Segura Dei gratia episcopus mindoniensis comissarius vnicus ad infrascrita et executor specialiter a Sede apostolica deputatus vniuersis et singulis presens publicum instrumentum processus visuris ad / quem seu ad quos prestimoniorum prestimonialium portionum et simplicium etiam reseruatorum beneficiorum in ciuitate et diocesi mindoniensi nostris consistentium collatio prouisio presentatio seu queuis alia dispositio communiter et diuisim / pertinet et spectat omnibusque aliis et singulis quorum interest uel intererit et quos infrascriptum tangit negocium seu tengere poterit quomodolibet in futurum communiter uel diuisim quocunque nomine censeantur aut quacunque prefulgeat / dignitate salutem in Domino sempiternam. Litteras sanctissimi in Christo Patris et domni nostri domni Nicolai diuina prouidentia pape quinti cuius vera plumbea bulla cum cordula canapis more romane curie impendenti / bullatas sanas et integras non viciatas non cancellatas nec in aliqua sui parte suspectas sez omni prorssus vitio et suspitione carentes ut prima facie apparebat nobi per venerabilem et discretum virum domnum / Gundisaluum Petri de Labrada canonicum nostre ecclesie mindoniensis et procuratorem honorabilium virorum domnorum decani et capituli prefate nostre ecclesie prout coram majore parte capituli hoc factum fuit coram notario / publico et testibus infrascriptis presentatas nos cum ea qua decuit reverencia recepisse noueritis cuius tenor sequitur et est talis: ... (prosegue a transcrición da bula que figura no número precedente) ... Post quarum quidem litterarum apostolicarum nobis presentacionem et recepcionem per nos ut premititur factas fuimus per prefatum domnum Gundisaluum Petri de Labrada canonicum prefate ecclesie nostre / mindoniensis ac procuratorem venerabilium virorum decani et capituli nostre ecclesie necnon per maiorem et saniorem partem eiusdem ecclesie capituli debita cum instancia requisiti ut ad execucionem dictarum litterarum et / contentorum in eisdem procedere curaremeus iuxta traditam seu directam per eas a Sede apostolica nobis formam nos igitur Alfonsus Segura episcopus mindoniensis comissarius et executor prefatus / volentes mandatum apostolicum nobis in hac parte directum reuerenter exequi ut tenemur auctoritate apostolica et qua fungimur in hac parte de fructibus redditibus prouentibus ac emolumentis / ecclesie nostre prefate nos diligenter informauimus et per eandem informacionem prefatos fructus redditus et prouentus dicte nostre ecclesie et mense capitularis exiles et diminutos inuenimus quod / ex ipsis decanus archidiaconus et capitulum prefati secundum eorum decenciam comode sustentare possunt quin fructus redditus et prouentus vltra quadringentarum \quinquaginta / librarum turonensium paruorum / secundum communem extimacionem ualorem anuum non excedunt reperimus si que alia quadringente libre prefate mense et ecclesie vnirentur anneterentur et incorporarentur cultus diuinus in eadem / ecclesia augmentaretur auctoritate predicta de premissis ac omnibus et singulis in preinsertis litteris apostolicis contentis eorunque circunstaciis vniuersis tot ex prestimoniis prestimonialibus porcionibus et simplicibus / eciam seruitoriis ac reseruatis in ciuitate et diocesi nostris primo uacaturis per cessum uel decessum aut cessus uel decessus siue resignacionem aut alias quomodocunque et qualitercunque vacent que ad numerum seu / quantitatem prefatarum litterarum quadringentarum turonensium similium extimacione prefata fructus eorundem annuatin non excedant vnimus annectimus et incorporamus ita quod liceat decano archidiacono / et capitulo prefate nostre ecclesie per se uel alium seu alios postquam capitulum aut eius procurator legitimus uacacio vniendorum prestimoniorum et prestimonialium porcionum vel simplicium beneficiorum sibi innotuerit et / infra unius mensis spacium duxerit acceptandorum iuriumque et pertinenciarum eororundem corporalem possessionem aprehendere auctoritate propria et perpetuo retinere nostri et cuiuslibet alterius licencia mi/nime requisita. Ceterum cum ad execucionem premissorum ulterius faciendam nequeamus semper personaliter interesse aliis arduis sanctissimi domni nostri pape negociis legitime in partibus Ispa/nie prepedicti vniuersis et singulis abbatibus prioribus decanis archidiaconis propositis cantoribus sucentoribus thesaurariis scolasticis et canonicis etiam in quibuscunque dignitatibus constitutis / archipresbiteris rectoribus capellanis curatis et non curatis monasteriorum personatuum ecclesiarum quarumlibet et locorum ecclesiasticorum custodibus necnon clericis et notariis publicis per dictam ciuitatem et diocesim / nostras ac alibi ubilibet constitutis et eorum cuilibet in solidum super vltriori execucione facienda dicti mandati apostolici atque nostri huiusmodi auctoritate apostolica supradicta tenore presencium commitimus vices nostras / donec eas ad nos duxerimus reuocandas quos et etiam quemlibet in solidum eisdem auctoritate et tenore requirimus et monemus primo secundo tercio et peremptorie conmuniter et diuisim eisque nichilominus / et eorum cuilibet in solidum in virtute sancte obediencie et sub excommunicacionis pena quem in eos et eorum quemlibet nisi infra sex dies postquam per prefatum capitulum nostre ecclesie aut eius ligitimimum / procuratorem fuerint requisiti quos dies eis et eorum cuilibet duos pro primo et duos pro secundo et reliquos duos dies pro termino tercio peremptorio ac monicione canonica assignamus fecerint que eis / in hac parte conmitimus et mandamus quatenus ipsi et eorum singuli qui super hoc ut premititur fuerint requisiti seu alter eorum fuerit requisitus ita quod alter alterum non expectet nec vnus pro alio pro/ alio (sic) se excuset ad corporalem possessionem vniendorum prestimoniorum et prestimonialium porcionum et simplicium beneficiorum eciam reseruatorum iurium et pertinenciarum eorundem postquam capitulum vel procurator / prefati illa seu illud aut illas seu illam acceptauerint admitere et admiti facere sibique cum fructibus redditibus prouentibus et emolumentis vniuersis eorundem prestimoniorum prestimonialium / porcionum interegraliter respodere ac responderi facere. Et nichilominus omnia alia et singula nobis in hac parte conmissa plenarie exequantur iuxta predictarum litterarum apostolicarum et presentis nostri / processus continenciam et tenorem ita tamen quod nichil in preiudicium venerabilium virorum domnorum decani et capituli prefatorum attemptari valeat uel immutari in processibus per nos habitis / et sentenciis per nos latis aliquid absoluendo uel suspendendo in ceteris autem que eisdem domnis decano et capitulo nocere possunt ipsis et quibuslibet aliis potestatem omnimodam denegamus prefatas quoque / litteras apostolicas et hunc nostrum processum ac omnia huiusmodi negocium tangencia volumus penes dictos domnos decanum et capitulum uel eius procuratorem remanere et non contra eorum voluntatem ab aliquo detineri / contrarium uero facientes prefatis nostris sentenciis prout in scriptis late sunt predicta canonica monicione premissa volumus subiacere copiam uero dictarum literarum et presentis nostri processus vobis et aliis quorum interest / fieri volumus vestris tamen et illurum sumpptibus et expoensis. Absolucionem uero omnium et singulorum qui prefatas aut earum aliquan incurrerint quoquomodo nobis uel superiori nostro tantum/modo reseruamus. In quorum omnium et singulorum fidem et tetimonium premissorum presentes nostras litteras siue presens publicum huiusmodi nostrum processum in se continens per notarium et secretarium / nostrum infrascriptum scribi et publicari mandauimus nostrique sigilli iussimus et fecimus appensione communiri. Date et acte in claustro nostre ecclesie mindoniensis in loco ubi tenetur capitulum / per nostre ecclesie beneficiatos sub anno a natiuitate Domini millesimo quadringentesimo quinquagesimo tercio indicione prima die uero undecima mensis octobris pontificatus sanctissimi in Christo Patris et domni nostri domni Nicolai diuina aprouidencia pape quinti anno septimo. Presentibus ibiden venerabilibus et discretis viris domnis Aria Petri et Johanne Arias ac Fernando Arias scutiferis laicis ciuitatis et diocesis mindoniensis testibus ad premissa uocatis et specialiter rogatis. Non obstet uerbum abrassum in quinquagesima prima linea ubi dicit “presentacionem” et aliud verbum inter quinquagesimam / quintam et quinquagesimam sextam positum ubi dicit “quinquaginta” nan ego infrascriptus approbo. Ita est. Didacus Rangel notarius apostolicus.
Et me Didaco Rangel clerico conchensis diocesis publico apostolica auctoritate notario cum dictarum litterarum apostolicarum recepcioni presenptacioni requisicioni monitis mandatis sentenciarum promulgacionibus vnionis incorporacionis et / annexionis subdelegacioni commisioni predictis omnibusque aliis dum sic ut premititur fierent et agerentur per reuerendum in Christo patrem et domnum Alfonsum Segura episcopum mindoniensem vna cum preno/minatis testibus presens interfui eaque sic fieri vidi et audiui ac de eisdem notam sumpsi a qua hoc presens publicum instrumentum seu presentem processum extruxi et in hanc publicam formam reddegi / scripsi et publicaui signoque et nomine meis solitis et consuetis signaui in fidem et testimonium premissorum rogatus et requisitus. ( Signo; na súa parte inferior lese: Didacus Rangel notarius apostolicus).
