In Dei nomine. Ego Fronili una cum filiis meis nominis Pelagio, Cenosinda, Eldesinda, Emilo, Menindo vobis frater Ariani abba et omnes fratres monasterii Cellenove in Domino Deo eternam salutem. Obinde placuit nobis bone pacis et voluntas ut vobis iamdicto Ariani et congregatio monasterii Cellenove faceremus vobis cartula vel testamenti firmitatis pro remedium anime nostre, et de viro meo nomime Gundisalvo, de villa nostra propria qui iacet in loco predicto Guimir subtus mons Calvello, discurrente rivulo Limia vocabulo ecclesie sancte Marie, et alia ecclesia sancto Pelagio. Concedimus vobis de ipsa hereditate medietate integra in casas, torculares, vineas, pumares, saltos, defesas, montes, fontes, pascuis, paludibus, exitus montium, accesu vel regressum, terras ruptas vel inruptas, sesigas molinarum vel quantum ad prestitum hominis esse dinoscitur usque minima culiare. Et habui ego Fronili ipsa hereditate de successione parentorum meorum nomine Te\o\dila IIIIª integra et illas alias ganavi cum ipso viro meo Gundisalvo. Id sunt ganavimus de Kecila Didaz hereditates de Voreodemiro ab integro, de Rudesindo in illo kintanario IIIes quintas, et de Foravilla medietate integra, de villa de Eolalio ab integro, alio Rudesindo sua hereditate ab integro, de hereditate de Cresconio sexta media. Pro que dedimus ad ipse Kecila Didaz in precio in boves, vaccas, res et pannos et cibaria in modios LVIIIº. De villa de Mennio emimus inde IIIes octavas, et de Aloito Godestez et de suos germanos uno casare pro que dedimus VIIIº vaccas et una pelle conellia et una capa. Omnes has hereditates concedimus Deo et salvatori nostro et tibi frater Ariani abba vel omnes qui tecum in Dei servicio permanent ut habeant inde servi Dei temporale subsidium, et nos et viro meo Gundisalvo ante Deum premium inconvulsum. Et accepimus de vos Ve boves que pro nobis paristis ad illa comitissa domna Otrocia et insuper ut abeamus de vos defensionem et moderationem vel tuicionem. Ita ut de odie die vel tempore seiant ipsas hereditates medias de iure nostro abrasas et in vestro iure vel dominio seiant traditas adque confirmatas. Si quis sane, quod fieri non credimus, aliquo homo ad irumpendum venerit vel venerimus, et nos in concilio / auctorgaverimus tunc inferat pars nostra partique vestre omnia in duplo et hec restituat monasterio sancto et insuper seiat excomunicatus, et a fide Christi separatus et cum Iuda Domini proditore abeat partem in eterna damnatione.

Facta cartula testamentum die VIº kalendas Octobris. Era post Millesima C I.

Ego Fronili una cum filiis meis nominibus, Pelagio, Cenosinda, Eldesinda, Emilo, Menindo in hanc cartulam vel testamenti manus nostras roborem iniecimus.

(1ª columna:)Veremudo Froilaz cfr.- Arias Citiz cfr.- Vimara Froilaz cfr.- Veremudo Eriz cfr.

(2ª columna:) Alvaro Amigiz presbiter cfr.- Martinus presbiter cfr.- Arias clericus prolis Fronili cfr.

Ero ts. Gundisalvo Vimaraz ts. Domengo ts. Stefano ts. Teoderedo ts.

Frater Ariani abba notuit (signum).