In Dei nomine. Ego Nepotianus et uxor mea et filiis meis vobis servo Deo abbati et fratribus tuis. Placuit nobis bone pacis volumtas securo animo in venderemus vobis nostro revoreto proprio que vocitant Revoreto Maiore qui est inter Vite et Alisti. Vendimus vobis ipso revoreto ad integro per ubi vobis illum demarkavimus et coram testibus adsignavimus de fonte de domno Atula episcopo et aquas currentes de Auteiro qui est de occiente de me ad pinnas et ad fonte usque in termino de Sancto Petro et accepimus de vos precium que nobis bene complacuit duodecim solidos et de ipso precio nichil remansit indebitum ut de hodie die et tempore sit ipso revoreto de nostro iure abraso et in vestro dominio sit traditum // habeatis illum firmiter vos et qui in vita sancta in ipso monasterio perseveraverint. Si quis tamen quod fieri minime credimus aliquis vos proinde caluminiaverit an nos an aliquis ex heredibus nostris qui in iudicio defendere non valuerimus, tunc inferat pars mea partique vestre ipsa terra duplata et quantum a te fuerit meliorata.

Facta scriptura vendicionis VIº idus Marcii. Era DCCCCLX.

Nepotianus et uxor mea Gontina in hanc scriptura vendicionis manus nostras roboramus (signum).

Andulfus ts. Anagildus ts. Silo ts. Argirigus ts. Felinus ts. Iunait ts. Teodemiro ts. Avaldus ts. Lucido ts. Mundinus ts. Rairicus ts. Conparato ts. Leo ts. Fromaricus ts. Iacob ts.