Carta de Johanne Petri et de vxore sua Guyna Pelagii de hereditate de Lees.

In nomine Domini nostri Ihesu Christi. Ego Johannes Petri una cum uxore mea Guina Pelaiz et omnis uox nostra vobis abbati domno Petro monasterii Sancti Justi de Tribulis Altis et omni conuentu monachorum ipsius uestri monasterii et omni uoci uestre, facimus uobis textum scripture firmitatis et kartulam uendicionis imperpetuum ualituram de tota nostra hereditate quam nos habemus in Leens, concurrentem ad ecclesiam Sancti Pelagii, quam nostram hereditatem quantam nos ibi habemus tam de auolencia quomodo de ganancia vobis ab integro uendimus pro precio quod nobis pro illa dedistis, uidelicet pro duabus marchis argenti canonice quas nobis pro illa dedistis, et rogo et robore ad libitum; et de precio aput uos nichil remansit in debito ad soluendum. Ab hinc tota ipsa nostra hereditas integra de nostro iure et dominio sit abrasa et in uestro dominio iuri sit tradita atque confirmata cum casis et casalibus, cum terris cultis et incultis, cum exitibus et regressibus, cum cortinis et montibus et riuulis, pratis et pascuis, cum sesicas molendinorum et cum omnibus generibus arborum cum quanto ad prestitum hominis est et cum omnibus suis directuris eidem hereditati pertinentibus intus et extra per suos terminos et loca antiqua sicut ab antiquo diuisa et determinata est quomodo diuiditur per aquam de Mizo et inde per terminos de Oca quomodo diuiditur per penas de Oca et inde per Pena Dauzosinde et quomodo concluditur per fluuiu Tamaris; habete illam, possidete, uendite, donate atque ex ea omne uelle uestrum facite per cuncta seculorum secula.

Siquis nobis propinqus uel extraneus tam nos quam aliquis contra hanc kartulam uendicionis ad irrumpendum uenerit uel uenerimus quicumque fuerit quantum calumpniauerit in duplo uel triplo componat, et insuper parti uestre marcas quatuor puri argenti persoluat; et hec kartula semper plenum robur obtineat.

Facta carta uendicionis die IIII^o kalendas junii, era M^a CC^a XVIII^a.

Ego Johannes Petri cum uxor mea Guina Pelaiz in hac kartula manus nostras.

Q. p. f.: Petrus, ts. Johannes, ts. Pelagius, ts.  

Hoc fuit in presencia iudicis domni Petri et Johannis Gotefreiz et Petrus Curialis et domni Parisii, canonicorum Sancti Iacobi.

Petrus Fernandi presens fuit et notuit et conf.