Placitum super VIIIa ecclesie Sancti Petri de Oruogo cum Johanne Petri.

Sub era M^a CC^a XXX^a IIII^a et quotum idus maii. Ego Petrus, monasterio de Sancto Justo abbas, et omnis conuentus eiusdem monasterii et omnis uox nostra tibi Johanni Petri facimus pactum et placitum firmissimum in CC solidos firmissime roboratum tali uerbo et conueniencia ut tu teneas tantum in uita tua de nostro iure et de nostro dato octauam de ecclesia Sancti Petri de Oruogo quam nobis et monasterio nostro pater tuus Petrus Ordonii mandauit; et des de ea nobis annuatim pro anima ipsius patris tui et fratrum tuorum qui mortui sunt VI quarterios de pane per talegam ipsius ecclesie, et sis de ea noster clericus et uassallus bonus et fidelis, et cetera. Siquis nostrum hoc ita non compleuerit uel in aliquo deuiauerit pariat penam superius dictam; hoc placito semper in suo robore permanente.

Ego Petrus, abbas de Sancto Iusto, et omnis conuentus in hoc placito manus.

Q. p. f.: Pelagius, presbiter de Neeronio, ts. Fernandus Cresconii, ts. Pelagius Ordonii, ts. Petrus Pilatus, ts. Johannes Petri, conf. Johannes Tudini, conf. Petrus Gunsalui, conf.

Johannes, presbiter, qui notuit, conf.