Carta de Johanne Didaci, presbitero, de quinionibus ecclesiarum, scilicet de Sancto Johanne de Mazaeda tercia et nona de Sancto Andree de Cures et III^a de IIII^a minus nona de ecclesia de Comogio et hereditate de Cadarnogia et de Curis et de Monimenta et de Veranio et de Carbonario, et cetera.

In Dei nomine. Ego Johannes Didaci, presbiter, uolens sociare habitum religionis in monasterio Sancti Iusti de Tribulis Altis, facio testamentum et kartam donacionis eidem monasterio pro amore Dei et sancte Marie uirginis et sancti Benedicti et sancti Justi et Pastoris pro remedio anime mee et parentum meorum de omnibus meis hereditatibus tam ecclesiasticas quam laicales quas ego hodie in meo jure teneo et per longum tempus possedi, id est tercia integra de Sancto Johanne de Mazaneda cum omnibus adiunctionibus suis, et nonam integram de Sancto Andree de Cures, et terciam de quarta minus nona de Sancto Saluatore de Comogio, sicut eas habeo diuisas cum abbate Pelagio et cum abbate Froyla, ipsi ambo pro suis gentibus et ego pro meis sicut in nostris placitis resonat; et meam hereditatem de Cadarnogia et de Curis et de Monimenta et de Monimenta et de Ueranio et de Carbonario et de omnibus locis ubi uadit uox mea tam de patre quam de matre et etiam alias meas hereditates tam ecclesiastica quam laicali excepta hereditate de Argilis que mihi euenit de patre meo Didaco Ermegildiz et mea ganancia quam ganaui de tio meo Munio Ermegildit, et sunt tres quartas de suo quinione, quas hereditates do et concedo Fernando Aluo et uxori sue Marine Muniz tali conueniencia ut ipse reli<n>quat eide monasterio ecclesiam Sancti Michaelis cum tota sua uoce et directura. Alias uero totas meas hereditates dono et concedo mecum eidem ipsi monasterio pro remedio anime mee et parentum meorum. Habeatis igitur, et cetera, possideatis, et cetera. Siquis igitur ex parte mea, et cetera, contra hoc uenerit sit maledictus usque in septimam generacionem et insuper pariat solidos C; hac tamen, et cetera.

Facta carta testamenti sub era M^a I^a CC^a VI^a et quotum II^e kalendas aprilis.

Ego Johannes Didaci, presbiter, et cetera.

Q. p. f.: Ordonius, ts. Petrus Froyla de Cadarnogia, ts., conf. Fernandus Aluo, conf. Abas Froyle, presbiter, conf. Pelagius Roucus, conf. Munio Muniz, conf. Et alii.

Ego Petrus, presbiter, qui notuit et confirma.