Carte de ecclesia Sancti Thome de Oyames in terra de Ameya.

In nomine sancte et indiuidue Trinitatis, videlicet Patris et Filii et Spiritu Sancti ob honorem monasterii Sanctorum Justi et Pastoris quorum baselica in Luania Morte, territorio Nogia, fundata esse cernitur, ego Petrus Aluitiz, ecclesie Beati Jacobi canonicus et diaconus, diuina inspirante gratia pro peccatorum meorum remissione et eterne uite retribucione, pura mente et hylari corde quartam partem ecclesie Sancti Thome de Oyames minus quarta iure hereditario secundum prauas terre consuetudines huc usque possedi illud psasmiste Deus meus pone illos ut rotam et tanquam stipulam ante faciem et qui dixerunt hereditatem possideamus screuarium Dei ad memoriam reducens alioqui nullo modo me posse saluari nec in celesti hereditate hereditari intelligens nisi quod male egi et male possedi Deo iuuante in bonum conuertar predictam quartam tocius iamdicte ecclesie Sancti Thome de Oyames minus IIII^a cum omnibus adiunctionibus et prestationibus et appendiciis suis Deo omnipotenti et predicto monasterio Sanctorum Justi et Pastoris et vobis abbati domno Martino et monachis tam presentibus quam etiam et futuris ibi in eodem monasterio vitam sanctam et regulam beati Benedicti seruantibus sicut iure meo huc usque mansit uel manere poterat cum omni uoce et prosecucione mea ultronea uoluntate concedo, et deimpceps perpetualiter uobis et monasterio uestro ad refugium et ad sustentationem monachorum presencium et futurorum offero ut dum uobis temporale pro fuerit subsidium mihi perhenne preparetur premium. Similiter ibi iusta eadem ecclesia Sancti Thome in Amaea do et concedo uobis et prefato monasterio uestro et uobis abbati et huic sancte congregacioni uestre per hanc scripturam a me libere factam quandam hereditatem que uocatur Destros cum omnibus domibus et hereditatibus et bonis suis quam mihi coniermanus meus Froyla Menindit ad obitum suum per sua mandacione reliquit ut habeant eam omni tempore libera et quieta cum porcione iamdicte ecclesie Sancti Thome, eo pacto ut neque ego neque ulla mea proienies quiquam de hiis omnibus amplius requiramus uel iure hereditario eas deinceps queramus sed in seruicio Dei ut superius scripsimus quietas et liberas semper maneant. Siquis itaque cuiuspiam generis hanc meam uoluerit in aliquo impedire oblacionem seu testamenti tenore infringere quod absit conatus fuerit ex primis sit anathema in conspectu Dei et sanctorum angelorum eius et perpetua dampnatione sit dampnatus nisi ad dignam satisfacionem peruenerit et insuper parti monasterii uestri solidos mille persoluat et quod in calumpniam miserit in duplo componat; et hoc meum spontaneum factum semper obtineat vigorem.

Facta series testamenti III^o nonas aprilis, era M^a C^a LXXX^a III^a.

Ego prefatus Petrus Aluitici, canonicus et diaconus, et omnis uox mea in hoc testamentum quod fieri decreui manu mea.

Q. p. f.: Petrus, ts. Johannes, ts. Pelagius, ts. Didacus, ts. Arias, ts. Froyla,
ts. Ranemirus, ts. Petrus, Dei gratia ecclesie Beati Jacobi archiepiscopus, conf. (Monogramma: PLENA EST TERRA OMNIA DEI. PETRVS, DEI GRATIA ARCHIEPISCOPUS). //

Petrus Crescudes, ecclesie archidiaconus, conf.

Pelagius Abbas, ecclesie archidiaconus, conf.

Fernandus Curialis, ecclesie canonicus et archiepiscopus cancellarius, conf. Petrus Aluitiz, diaconus et ecclesie Beati Jacobi canonicus hoc meum factum propria manu.

Cresconius Pelaiz, judex, conf. (Signum).

Vimara, ecclesie Sancti Jacobi diaconus presbiter, conf. Fernandus Ruderici, subdiaconus, ecclesie Beati Jacobi canonicus, conf. Pelagius Gudesendi, canonicus subdiaconus, conf. Michael, cardinalis, conf. Pelagius Didaci Didaci, ecclesie Beati Jacobi cantor, conf. Petrus Pardo, ecclesie Beati Jacobi canonicus, conf.

Ego Petrus Marcius, ecclesie Beati Iacobi canonicus et diaconus, iussu et autoritate Petri Aluitizi hoc scripsit et proprio robore conf. (Monogramma: PETRUS).