Testamentum Petri Saluatoris de sua hereditate de Susa Villa.

Era M^a CC^a L^a IIII^a et quotum kalendas octobris. Mando ego Petrus Saluatori si de hac infirmitate migratus fuero quomodo omnia mea ordinata post obitum meum remaneant. Primo mando corpus meum sepeliri in cimiterio Sancti Jacobi, et mando ibi mecum solidos XLa, et cetera. Item conuentui Sancto Justo pro pitancia solidos XL. Et mando omnem meam hereditatem et de soprinis meis ad Sanctum Justum in Trasmonte in loco qui dicitur Susa Villa, et ipsi mei consoprini integrent se in Castuirigu et in Carouuanes et in Granocio. Item mando uxor mea Vrrace Martini medietatem domus istius in qua modo habitamus, et possideat eam in omni uita sua et ad obitum suum det eam in tali loco ubi dent pro anniuersario meo de predictam meam medietatem domus, primo ad Sanctum Justum solidos VII, et cetera. Hec omnia compleat uxor mea domne Vrrace Martini sine dampno suo, et cetera. Quodcumque autem contra hoc meum testamentum ad irrumpendum uenerit ex parte Dei Patris omnipotentis et mea sit maledictus et cum Iuda tra ditore Domini in inferno sine fine dampnatus et insuper parti regis D morabitinos persoluat, et quod inquietauerit duplet, et cetera.

Q. p. f. et ab utraque parte uocati: frater Johannes Tudini, dictus Abbas de Togis Altis, qui interfuit, conf. Petrus Petri, monachus Sancti Justi, conf. Petrus Cresconii, cellararius Sancti Iusti, conf. Fernandus Didaci, conf. Suerius Arie, alfayatus, conf. Alfonsus Petri, alfayatus, conf. Nuno Pelaiz, conf. Et multi alii.

Martinus Martini notuit et conf.