B 13
1426, maio, 23. Roma.
Bula do papa Martiño V, pola que comisiona ó prior de San Martiño de Mondoñedo para unir á Mesa Capitular da Catedral mindoniense a metade do beneficio de Santa María de Corbelle e os préstamos de San Salvador do Monte de Nendín (Lindín), Santiago de Caende (Quende) e Santa Marta de Meilán.
A, perg., que conserva o cordón do que pendeu o selo de chumbo, de 365 x 475 mm. Letra semigótica.
Ref.: flórez, vol. xviii, p. 191.
Martinus episcopus seruus seruorum Dei dilecto filio priori monasterii Sancti Martini per priorem soliti gubernari mindoniensis diocesis salutem et apostolicam benedictionem. / Sincere deuotionis affectus quem dilecti filii decanus et capitulum ecclesie mindoniensis ad nos et romanam gerunt ecclesiam non indigne meretur petitiones eorum ad exauditionis gratiam admittamus. Exhibita siquidem Nobis nuper pro parte dictorum decani et capituli petitio continebat quod olim dilectus filius Petrus Marinno de Lobeyra decanus et vicarius in spiritualibus generalis eiusdem ecclesie per capitulum ante/dictos sede episcopali mindoniensi tunc pastore carentis spetialiter deputatus proinde attendens multitudinem canonicorum et paucitatem fructuum et prouentuum mense capitularis ecclesie antedicte medietatem simplicis beneficii / beate Marie de Coruelle et vnum in sancti Saluatoris de Monte Nendim ac aliud in sancti Jacobi de Caende necnon aliud in sancte Marthe de Meyram parrochialibus ecclesiis prestimonia mindoniensis diocesis cuius quidem / medietas beneficii presentatio persone ydonee ad episcopum mindoniensem pro tempore existentem institutio uero ad scolasticum que pro tempore fuerit eiusdem ecclesie mindoniensis de antiqua et approbata ac hactenus paci/fice obseruata consuetudine pertinet prestimoniorum uero predictorum collatio et prouisio ac omnimoda dispositio ad espiscopum prefatum pro tempore existentem duntaxat expectare dinoscitur per liberam resignationem di/lecti filii Gundisalui Menendi de Laurençaa qui medietatem et prestimonia predicta tunc obtinebat in manibus eiusdem vicarii dicta sede episcopale ut premittitur uacante extra romanam curiam sponte factam et per eundem / vicarium auctoritate vicariatus huiusmodi extra eandem curiam admissam uacantia quorum omnium viginti quatuor cum omnibus iuribus et pertinentiis suis dicte mense cuius mille et quingentarum librarum turonensium / paruorum fructus redditus et prouentus secundum communem extimationem ualorem annuum ut iidem decanus et capitulum asserunt non excedunt autoritate predicta annexuit uniuit et incorporauit licet de facto prout / in instrumento publico inde confecto sigillo dicti decani munito dicitur plenius continere prefatique decanaus et capitulum medietatem et prestimonia predicta pretextu annexionis unionis et incorporationis huiusmodi fue/runt pacifice assecuti etiam de facto. Cum autem secundum premissa unio annexio et incorporatio predicte iuribus non subsistant ac prestimonia et medietas huiusmodi adhuc ut prefertur uacare noscantur Nos / uolentes eosdem decanum et capitulum fauoribus prosequi gratiosis ac de premissis certam notitiam non habentes ipsorum in hac parte suplicationibus inclinati discretioni tue per apostolica scripta mandamus quati/nus uocatis episcopo mindoniensi pro tempore existente et aliis qui fuerint euocandi si ita est medietatem et prestimonio supradicta si ut premititur uacant et tempore date presentium non sit in eis alicui spetialiter / ius quesitum cum omnibus iuribus et pertinentiis suis prefate mense auctoritate nostra unias incorpores et annectas ita quod liceat eidem decano et capitulo medietatis et prestimoniorum ac iurium et pertinentiarum / predictorum uigore presentium corporalem possessionem propria auctoritate de nouo apprenhendere et perpetuo retinere cuiuscunque super hoc licentia minime requisita contradictores per censuram ecclesiaticam / appellatione postposita compescendo non obstantibus constitutionibus et ordinationibus apostolicis ceterisque contrariis quibuscunque aut si aliqui super prouisionibus sibi faciendis de huiusmodi uel aliis beneficiis ecclesias/ticis in illis partibus spetiales uel generales apostolice Sedis uel legatorum litteras inpetrarint etiam si per eas ad inhibitionem reseruationem et decretum uel alias quomodolibet sit processum quas quidem litteras et pro/cessus habitos per easdem ad medietatem et prestimonia huiusmodi uoluimus non extendi sed nullum per hoc eis quo ad assecutionem beneficiorum aliorum preiudicium generari et quibuscunque priuilegiis indulgentiis / et litteris apostolicis generalibus uel spetialibus quorumcunque tenorum existant per que presentibus non expressa uel totaliter non inserta efectus earum impediri ualeat quomodolibet uel differri et de quibus quorumque totis / tenoribus habenda esset in nostris litteris mentio spetialis prouiso quod medietas et prestimonia predicta debitis propterea non fraudetur obsequiis sed illorum congrue supportentur onera consueta Nos enim ex nunc irritum / decernimus et inane si secus super hiis a quoquam quauis auctoritate scienter uel ignoranter contigerit attemptari. Datum Rome apud sanctos apostolos x kallendas junii pontificatus nostri anno decimo.
Rfta.Gratis. R. de Valencia.
(Reverso):
P. de Montella. S. Garnerii. M. v. n. 8. Comision para hunir los prestamos de Corbelle et Quede et San Salbador et Meilan a la mesa capitular.
