Testamentum Alfonsi Pelagii de hereditate de villa de Mato et de porcione ecclesie Sancti Juliani de Luania.

Hec est ordinacio qua de rebus meis ordino ego Alfonsus Pelagii graui detentus infirmitate quatinus si obiero omnia mea remaneant ordinata. In primis mando corpus meum sepeliri in monasterio Sancti Justi, et mando ibi mecum quantam hereditatem habeo uel habere debeo in villa de Mato tam populata quam depopulata, et VII vaccas cum suis filiis, et V equas integras, et tres quartas de quatuor equabus; et quito eidem monasterio quos de meis denariis ipsi imprestaui. Et mando etiam ipsi monasterio porcionem meam de ecclesia Sancti Juliani de Loania, et quito soprini meis, et cetera. Siquis autem tam ex mea parte quam extranea alia hanc de meis rebus ultimam mandationem in irritum presumpserit reuocare, maledictionem omnipotentis Dei incurrat et regie parti mille solidos coactus persoluat. Cui ordinationi interfuerunt et confirmant: abbas de Togis Altis; Petrus de Corzon, monachus et infirmarius, conf.; Petrus, presbiter ecclesie Sancti Iuliani de Luania, magister meus, conf.; Adam Gosindez, conf.; Viuianus Gosindez, conf.; Martinus Martini dictus Longus, conf.

Ego Maria Pelagii concedo et confirmo quantu dominus meus Alfonsus Pelagii mandat, conf.

Petrus Iohannis qui notuit.