Carta de Guina Didaci \et sororibus suis/ de tres septimas de vna VIIIa ecclesie Sancte Marie de Ordilde.

In Dei nomine. Ego Guina Didaci et omnes filii mei, et ego Marina Didaci et omnes filii mei, et ego Ledegunda Didaci et filius meus Pelagius et alii filii mei, et omnis uoces nostri vobis domno abbati Petro Sancti Iusti et cunctis fratribus uestris in Domino eternam salutem. Placuit nobis et nostra est uoluntas ut faciamus uobis cartulam testamenti de illa nostra porcione de ecclesia Sancte Marie de Orgildi quam uos extraxistis de pignore, et est VIII^a integra de tota prefata ecclesia que fuit de patre nostro Didaco Caluo, de qua VIII^a habebamus nos tres septimas et uos abstraxistis eas de pignore cum illis porcionibus de germanis nostris, et nunc insimul facimus uobis scripturam hanc de tota illa nostra porcione cum omnibus suis directuris intus et foris que ad ipsam ecclesiam pertinent per suos terminos antiquos pro animabus nostris et parentibus nostris, et insuper datis nobis solidos XXX, et uos ex hodie habeatis illas nostras tres septimas de illa octaua integras iure perpetuo et faciatis ex illis quod uobis placuerit. Sed si aliquis ex nostra uel de extranea parte contra hanc uenerit scripturam pariat uobis ipsam hereditatem duplatam et insuper solidos CC; et uos semper ipsam hereditatem habeatis.

Facta carta donacionis era I^a CC^a XI^a et quotum VII kalendas iulii.

Nos iam suprascripti in hac scriptura manus nostras.

Q. p. f.: Petrus, ts. Pelagius, ts. Ordonius, ts. Didacus, ts. Arias Muniz, conf. Ordonius, presbiter, conf. Fernandus Sancii, conf. Martinus Didaci, conf.

Munio qui scripsit uersum pro robore finxit.