In nomine Domini nostri Ihu Xri. Amen. Regiam majestatem ad augmentum et defensionem regni non solum armis condecet esse munitam verum etiam construendis munitissimis civitatibus et oppidis exactissimam adhibere diligenciam ut sic his inde in communibus et regnum possit et tam absens quam presens impetus hostilles non debeant trepidare. Huius siquidem racionis intuitu ego dominus Ferdinandus hispaniarum rex Dei gratia tam ampliationi tudensis civitatis quam eius miserabili crebre captioni utpote incursibus hostium tam sarracenorum quam xianorum exposite salubritatem providere desiderans eandem civitatem ad locum natura munitiorem qui est inter ecclesiam ipsius sedis et flumen Minei communicato consilio curie nostre cum consencu Johannis eiusdem civitatis episcopi, prioris Ferdinandi et canonicorum eiusdem necnon assensu proprio prestante utiliter duximus transfferendam. Predictus itaque locus quem de supradicto episcopo, priore et canonicis precio nos comparavimus vobis universis populatoribus tam presentibus quam futuris cum subscriptis consuetudinibus et foris ad habitandum concedimus ea scilicet condictione ut vos ibidem civitatem construatis et eandem per circuitum anplissimis fossi et muris necnon et turribus muniatis cui siquidem loco et civitati tale de novo indidimus vocabulum scilicet Bonam Venturam. Mandamus ergo quod habitator ipsius civitatis Bonaventure non det portaticum de sale ad portum istum de quo portatico medietatem solebat habere castellum de Antenza et medietatem episcopus et canonici. De vineis factis inde decimam pro foro dabatis episcopo et canonicis; deinceps nullam detis nisi illam quam Deo debueritis. Mandamus insuper quod maiorinus non sit ausus pignorare habitatorem illius ville pro ulla calumpnia que data non fuerit ad palacium nisi pro homicidio et rauso et furto cognito, tradictione et pro estercore in hore posito. De reliquis vero si data fuerit calumnia ad palacium si ille qui calumniam fecerit domum in villa habuerit det fideiussorem in V solidos et sagio non sit ausus domum illius intrare pro pignore. Si vero domum non habet in ipsa villa det fideiussorem
in V solidos et malevatorem in LX solidos. Et si calumpnia fuerit de rebus mobilibus vel inmobilibus dominus qui rem suam iure vindicaverit rem suam in pace obtineat et maiorinus iuxta quantitatem calumnie penam commissi suscipiat; si fuerit de lesione corporis medietas composicionis pene detur maiorino et medietas illi qui dampnum corporis sustinuit. Nullus maiorinus sit ausus contra has consuetudines venire quod si fecerit nullus habitator qui pro defensione corporis vel rerum suarum ei dampnum intulerit puniatur pena corporali vel pecuniaria. Similiter nullus sit ausus defendere maiorino quod ad ius suum spectat quod si fecerit penam commissi sustineat. Si navis fracta fuerit a fauce Minei usque ad Barcellam nullus habitator perdat aliquid de rebus suis quas ibi habuerit per dominum vel maiorinum terre vel per aliquem potentem. Si vero navis in aliqua parte regni mei fracta fuerit habitator de villa det III partem de omnibus que ibi habuerit voci Regis et cum reliquis rebus redeat securus in villam suam et cum sua navi si habere potuerit. Adicimus etiam quod de pane sive de vineis quas in montibus sive in locis non cultis vel in vestris propriis hereditatibus plantaveritis nulli nisi solo Deo deziman detis. Planto etiam vobis hereditates vestras et ammos filiorum vestrorum et filiarum vestrarum quos per consensum domini terre habueritis ut hanc tale cautationem quale habent hereditates et ammi militum si fuerint heredes. Mando insuper quod mercatores ville vestre vadant et reddeant securi per totum Regnum meum et nullus sit pignoratus nisi debitor vel fideiussor fuerit et si quis prendiderit mercatorem de villa vestra solvat cum sine dampno et pectet D solidos pro captione et si alicui mercator ville vestre aliquis pecuniam violenter abstulerit ei in duplum reddat et parti regie D solidos persolvat. Aufero etiam omnibus habitatoribus ipsius ville luctuosam et maniaticum et concedo eis liberam potestatem mandandi et dimitendi sive testandi res suas cuicumque voluerit ad mortem suam. Nullus sit ausus prohibere vobis pascua et ligna ad comburendum sive ad edificia sive ad navigia constituenda nisi in locis cultis et defensis. Si quis aliunde veniens sive sit nobilis sive innobilis in villa vestra furtum commiserit pro iusticia quam de eo feceritis nil pectetis neque parentibus vel dominis latronis ad homicidium respondeatis.

Quicumque sive de villa extra vos pro homicidio temptaverit calumpniari parti regie pectet D solidos et insuper de regno meo tamquam reus ciciatur quia nolo tolerare defensores latronum. Si latro fuerit de alia parte ad villam vestram detulerit latro detur vicario episcopi et res detur ei cui per furtum sublata fuerit. Quicumque libere potestatis ad hanc populationem venerit securus et sine dampno veniat et qui ei iniuriam fecerit predicta pena puniatur. Et cum supradictis foris et consuetudinibus quas superius determinavimus etiam vobis omnes foros et consuetudines bonas quas ad antiquo sive de novo habuistis. Si quis nobilium vobiscum populaverit non habeat meliorem forum quam quislibet alius habitator vester habuerit et si extra regnem meum dominum habuerit habeat hereditatem suam sed non sit ausus villam istam intrare.

Si quis igitur tam de genere meo quam de alieno hoc nostrum voluntarium factum infringere temptaverit ira Dei omnipotentis et regiam indignationem incurrat et cum Juda tradictore et cum Dathan et Abiron quos vivos terra absoruit in inferno sit dampnatus et pro temerario ausu parti regie C libras auri persolvat et quod invaserit in quadruplum reddat et hoc scriptum semper maneat firmum. Facta carta in villa Bone venture VIII Kalendas Aprilis Era M CC VIII eo anno quo idem famosissimus Rex victoriosissime cepit Regem Portugalie in Badaloucio.

Ego dominus Ferdinandus Dei gratia Hispaniarum rex cum coniuge mea regina domina Urraca hoc scriptum quod fieri iussi proprio robore confirmo.