In nomine Domini amen. Sub era Mª CCCª Xª LVIIª et quotum IIIIº kalendas iulii, ad honorem omnipotentis Dei et beatissime Marie virginis matris eius et omnium sanctorum et specialiter decem milium martirum qui monte Ararat \pro Christi nomine/ martirium subierunt, ac pro dicti amore fuerunt ab infidelibus interfecti, qui etiam in hora passionis sue petitiones quatuor fecerunt, scilicet ut hii

qui memoriam eorum cum ieiunio ac devotionem facerent sanitatem corporum animarum inedelam annum penitialem consequerentur a domino ac temporalium ubertatem qui etiam voce de celo lapsa divinitus effectum petitionum huismodi a Domino impetrarunt venerabiles viri donnus Arias Petri Pardus, compostellane ac lucensis ecclesiarum decanus, ac universum capitulum lucensis ecclesie, cum consensu et auctoritate reverendi patris donni fratris Iohannis, Dei gratia eiusdem lucensis ecclesie episcopi, provida deliberacione habita inter eos comuniter statuerunt: ut capellam in claustro dicte lucensis ecclesie edifficarent et in eadem capellam sepulturam faciendam constituerunt pro personis canonicis et porcionariis eiusdem tantum modo sepeliendis ibidem et pro episcopis etiam si in eadem capella voluerint eligere sepulturam. Et statuerunt etiam in eadem capellam instituere capellanum qui pro animabus illorum quos ibidem contingent sepeliri et aliorum eiusdem ecclesie sociorum et pro animabus illorum qui helemosinas et alia beneficia eidem lucensis ecclesie contulerunt et contulerint in futurum missam de requie cotidie per se vel per alium celebraret, qui etiam capellanus in omnibus horis ac etiam in omnibus divinis officiis in choro predicte lucensis ecclesie teneretur servire por cuius capellani sellario seu stipendio eidem annuatim solvendo quingentos morabitinos nunc usualis monete regis domni Fernandi vel extimationem eorum de bonis ad mensam lucensis capituli pertinentibus communiter assignarunt per inffrascripta tempora per solvendos videlicet ducentos morabitinos in festo Sancti Michaelis, et alios centum quinquaginta morabitinos in festo Purificationis beate Marie, et alios centum quinquaginta morabitinos in festo Sancti Iohannis Babtiste. Et si contingat aliquem de personis canonicis et sociis ecclesie vel alios unumcumque in vita vel in morte possessiones vel aliquid aliud eidem capellae donare vel relinquere illud relictum seu donatum ad mensam capitulo dovolvatur, et capitulum illud convertat in possessiones de quarum fructibus vel proventibus capellano preffactum sellarium persolvatur. Item statuerunt decanus et capitulum supradicti qui presentatio capellani instituendi pro tempore in eadem capella ac eiusdem institutio ad ipsum capitulum tantum modo pertinerent, statuerunt etiam sepulturas in terra dicte cappelle plano modo faciendas itaque una non debeat plus alia eminere nec altior apponere.

Actum Luci in loco ubi consuevit capitulum celebrari predictis domno episcopo, decano et aliis de capitulo per pulsacionem campane more solito congregatis in era et quotum predictis.

Ego vero Franciscus Lupi, publicus notarius lucensis, promissis omnibus interfui et de mandato domini episcopi decani et capituli predictorum scripsi et signum meum assuetum apposui in testimonium veritatis.

SIGNO