(In nomine domi)ni amen. Noverint (... anno) mº cccº xxºiº die xviª mensis madii, in presencia mei Michaelis Petri notarii publici auriensis actoritate eiusdem ecclesie Johanes dictus Bravo alunpnus quondam domini Gundisalvi de Novoa episcopi auriensis constitutus Aurie coram venerabili viro (domino) Petro Juliani thesaurario (... auri)ense sede vacante dixit et proposuit quod dominus Gundisalvus de Novoa quondam episcopus predictus in suo testamento per Alfonsum Laurencii auriensem publicum actoritate apostolica notarium confecto legaverat casale suum de Baluga et casale suum de Faro eidem Johani Bravo et quia dicta (clausula) testamenti erat sibi neccesaria petiit instantisime idem Johanes Bravo eidem vicario ut mihi notario predicto mandaret et actoritatem prestaret ut de dicta clausula predicti testamenti dicti domini episcopi unum sibi conficere publicum instrumentum (de) testamento per me notarium predictum coram dicto vicario ostensso idem vicarius mandavit mihi notario et actoritatem prestitit ut de dicta clausula testamenti dicti domini episcopi ut se habebat de verbo ad verbum eidem Johani Bravo unum conficere publicum instrumentum signo meo signatum (prot)estans nichilominus idem dominus vicarius nomine suo et capituli dicte ecclesie auriensis per vestram actoritatem mihi notario prestabat tamquem vicarius generalis eiusdem ecclesie auriensis et quod ipse et dictum capitulum non consenciebant in herencia nec in executoria dicti testamenti dicti episcopi predicti. Cum iam decanus et capitulum dicte ecclesie auriensis expresse renunciassent dictis herencie et executorie et omni iuri quod habebant ex herencia dicti domini episcopi qui heredes et executores dicti sui testamenti dictum capitulum instituerat. Clausule vero dicti testamenti tenor tale est: In nomine sancte et individue trinitatis, patris et filii et spiriti sancti amen. Ego Gundisalvus de Novoa licet indignus episcopus auriensis sanus mente et corpore timens gladium inevitabilem mortis acutum ex insperato subito irruentem qui nulli parcit nec miseretur timens ut erubescere in die judicii terribili magna et amara valde die inquam calamitatis et miserie qua ille gloriosus mundi salvator tamque leo ferocissimus veniens in carne presens seculum per ignem iudicaturus firmiter credo et sinpler confiteor unum deum patrem omnipotentem celi et terre insibilium et invisibilium omnium creatorem patrem et filium et spiritum sanctum tres quidem personas set unam deitatis substanciam, essenciam et naturam. Credo verasciter et confiteor quod est pater generans, filius nascens, spiritus sanctus procedens pariter ab utraque ita quod est unigenitus in divinitate et distincio in personis et tandem unigenitus dei filius Ihesus Cristus a tota trinitate conmuniter incarnatus natus est ex Maria virgine verus homo factus ex anima racionali carne compositus humana et secundum divinitatem inmortalis et impasibilis et secundum humanitatem pasibilis et mortalis qui pro salute quam humani generis ligno crucis ostiam sanctam et inmaculatam suscipere dignatus est passus mortuus humaniter et sepultus die tercia secundum scripturas a mortuis resurgens ad inferos descendens ibidem portas hereas confregit et ascendens ad celos inde per secula vivos et mortuos prout unusquique in corpore geserit sive bonum sive malum fuerit iudicalici. Credo firmiter sanctam catholicam et apostolicam ecclesiam toto orbe difusam prout Cristi fideles credunt et verasciter confitentur. Condo igitur testamentum meum in hunc modum: Comendo spiritum meum omnipoten(te) altisimo Ihesu Cristo qui de nichilo angelicam humanamque condidit creaturam ut cum a corpore exierit in sanctam provenire lucem et in sinu Abrahe inter dei angelos veleat colocari. Mando ut cadaver corporis mei miserabile et sordium repleti in ecclesia beati Martinii tumulari et eligo mihi sepulturam ibidem coram altari beate Marie Nove in loco ubi sepultus fuit quondam Stephanus Nuni Churrichano et ordino quondam capelam perpetuam etç. Item lego casale meum de Baluga et casale meum de Faro Johanni dicto Bravo alupno meo etç. Instituo autem heredes et executores huius mei testamenti et ultime voluntatis capitulum ecclesie auriensis ita quod ipsi adimpleant per omnia bona mea etç. Volo autem et mando quod huiusmodi meum testamentum valeat ut testamentum vel ut codicilus etç. Actum apud ecclesiam Sancti Michaelis de Salitu auriensis diocese in domo Johanis Geraldi testis infrascripti, xvi die mensis februarii, anno nativitatis domini mº cccº xxiº indiccione quarta, videlicet era mª cccª lixª. Presentibus testibus Johane Geraldi canonico auriense, Fernando Petri porcionario eiusdem, Petro Arie canonico pascense, Petro Iuliani canonico vimaranense bracharensis diocesis, Johane Afonsi canonico yriense compostellane diocesis, Gundisalvo Martini dicto Rella capellano et Johane Sebastiani scriptore dicti domini episcopi.

Et ego Alffonsus Laurencii auriensis puiblicus actoritate apostolica notarius una cum predictis testibus a dicto domino episcopo sano mente et corpore ut predictum est rogatus premissis interfui et testamentum istud de mandato suo scripsi signoque meo consueto signavi, anno, mense, die et loco predictis. Acta sunt hec Aurie ante januam habitacionis dicti domini vicarii, anno, mense, die superius anotatis. Presentibus testibus Roderico Roderici, Johane Domenici porcionariis ecclesie aurensis, Fernando Johanis, Petro Johanis capellanis clericis cori eiusdem.

Et ego Michael Petri notarius premissis interfui et dictam clausulam de dicto testamento in mei presencia transcribi feci ad instanciam et requisicionem Johannis Bravo predicti et de mandato et auctoritate domini Petri Juliani thesaurarii et vicarii predicti signumque meum apposui consuetum.

signum