Salvatori Deo hac redemtori meo domno Ihesu Christo, in cuius nomine et honore monasterium Cellenove constructum esse discitur, et Petri abbati in eodem preesse sanctorum monacorum cognoscitur. Et ideo ego Ilduara Nuniz una cum arbitrii mariti mei Veremudi adque consilio fratrum meorum et propinquorum consanguinibus, dum in lectulo quiescentis infirmitatis langore detempta essem et cogitarem carnis resolutionis mee et peccatorum meorum mole depressa, sana mente integro consilio cogitavi ut facerem cartula testamenti de hereditate mea sicuti et facio ad prefatum monasterium Cellenove ubi corpus meum sepulture mando traditum. Id est in territorio Limie villam quam dicunt Lotorello, sic de avolentia vel ut etiam et ganantia. Adicio etiam alia non procul ab ea quam inquiunt Gallegos similiter mea racione integra per suis terminis discurrente aqua Balderici et rivulo de Fraxino et Kenderede, vocabulo ecclesie sancta Maria cum omnibus suis adiacentiis. Ita tamen ut habeant inde servis Dei temporale lucrum et ego ante Deum habere merear veniam peccatorum meorum et premium sempiternum amen. Si quis tamen, aliquis homo propinqus aut extraneus vel qualibet persona fastus superbie hunc testamentum violare presumpserit, sit anathematus et cum Iuda Domini proditore lugeat penas in infernum. Et post parte terre vel ad domno huius monasterii solidos D et hunc testamentum plenam obtineat firmitatis roborem in seculum seculi.

Facta scriptura huius testamenti series IIIº kalendas Februarii. Era M C XXXIII.

Ego Veremudo Petriz in vice uxoris mee Ilduara in hac pagina scripture manu mea roborem inieci (signum). Filii eius Fredenandus et Eldonza cfr.

(1ª columna:) Velasco Muniz cfr.- Muniu Nuniz cfr.- Aragunti Nuniz cfr.- Onega Nuniz cfr.- Goldregoto Nuniz cfr.

(2ª columna:) Petrus ts.- Pelagio ts.- Muniu ts.- Petrus abba cfr.- Gaudilani cfr.

(3ª columna:) Gemondus prioris cfr.- Didagus presbiter cfr.- Petrus presbiter cfr.- Auriolus diaconus cfr.- Sancius diaconus cfr.- Fredenandus diaconus cfr.

Pelagius qui notuit.