Dubium quidem non est sed plerisque manet notum, eo quod ego Pelagius Didaci quasi monachus flagitavi cum suggessionibus que fuerunt de successione avorum et parentum meorum, habent iacentia in territorio Vallongo ripam Minei, ut dedisset mihi in territorio Cellenovense ob refugium et umbraculum ipsius abbatis et ille annuens adquisivit vestram confabulavit cum infans domna Geloyra et commutavimus has hereditates in Sautobati casare Iº, quomodo tenuit ea Gondesindo Miri cum suas adiuntiones sub Fofini in Villarino casare medio, et nos in Sala ripa Minei quantum ibi abuimus, et in Parata similiter, in Sentari meam portionem integram cum omnibus bonis que ad usum humanum pertinent, et nos per annis curriculis tenuimus, et post partem monasterii tenuerunt et tenent post annos transactos exceccavit me precium et exrui de donatione abbatis prefati. Posthec rogavi et reverti in monasterio Cellenove sub manu ipsius abbati, et dedi omnem commutationem tam meam quam suam ad ipsius abbatis monasterium in Nugariola de meo kasare medium, ut abeant inde servi Dei stipendium, et nos et parentele nostre premium inconvulsum de Deo. Ego Pelagius processi in annis plurimis ad virtutem que est in homine sum relictus, et rogo domnum meum abbatem ut pro misericordiam teneat me honorifice eo quod pauci sunt dies mihi, et si adhuc dies meum supercreverint et post abbas alius successor intraverit similem mihi meam faciat, sine autem non fecerint solutum me a peccato pergam ubi voluero in salute, tamen ratione servata kasare in Sautobati prescriptum do ad duas filias meas si filios non relinquerint, tunc abeat monasterium ipsam hereditatem. Omnes has villas iam superius nominatas stent post partem monasterii de odie die et tempore evo perhenni et secula cuncta. Si quis vero contra hoc factum meum infringere presumpserit propinquis vel extraneis, pariet ipsas villas duplatas vel triplatas monasterio sancto, et post partem regis aut qui illam terram imperaverit aliut tantum.