De filigresia de Fruime.

Carta de Johanne Arie de Berres de hereditate de Aldiriz.

In Dei nomine. Ego Johannes Arie de Berres et omnis uox mea pro Dei amore et beate uirginis Marie et sanctorum Justi et Pastoris et pro remedio anime mee et parentum meorum vobis domno Johanni, abbati de monasterio Sancti Justi de Togis Altis, omnibusque fratribus ibidem Deo seruientibus facio testamentum et cartulam donationis imperpetuum ualituram de tota mea porcione de hereditate quanta habeo uel habere debeo in terra de Luania sub monte de Meda in loco certo ubi dicunt Aldirit donnoque uobis et concedo totam meam porcionem de ipso villare quantam ego habeo et habere debeo cum casis et casalibus et cum quanto ad prestitum hominis est per suos terminos et loqua antiqua per ubi eam potueritis inuenire et pro quo uos recipitis me in beneficio monasterii uestri et dimittitis mihi unum pultrum quem ego acceperam de monasterio uestro. Habeatis igitur uos ipsam hereditatem et possideatis uos et omnis posteritas uestra in secula seculorum.

Facta carta testamenti sub era M^a CC^a L^a V^a et quotum IIIº nonas septembris.

Siquis autem ex parte mea uel extranea contra hoc uoluntarium meum factum uenerit ad irrumpendum pariat ipsam hereditatem duplatam et insuper solidos C^m; et semper ista carta firma permaneat.

Ego Johannes de Berres in quarta quam fieri iussi manus roboro.

Q. p. f.: Johannes Pelagii, miles, ts. Pelagius Fernandi Furtadu, ts. Petrus Galendus, ts. Pelagius Tauascon, ts. Didacus Affonsi, conf. Didacus Argazu, conf.

Dominicus Pelagii, qui de mandato Froyle, archipresbiteri, in cuius manus fuit roborata, scripsi et conf.