De Ruzua. Carta de Gosendo Diaz, clerico, de ecclesia et de villa de Ruzua.

In Dei nomine. Ego Gudesindus Didaci, clericus, pro Dei amore et sacrum religionis habitum summens facio kartam donationis et testamentum pro anima mea et parentum meorum ad monasterium Sancti Justi de mea hereditate quam habeo cum germanis meis et parentibus. Dono igitur et concedo ad iamdictum monasterium totam meam hereditatem integram quam mihi conuenit inter meos germanos et parentes et heredes tam ecclesiasticam quam laicariam, scilicet in eclesia Sancti Michaelis de Ruzua et in ipsa uilla de Ruzua cum tota sua uoce intus et foris in toto valle de Neuar a litore maris usque ad cacumina moncium et in cunctis terris et locis ubicumque fuerint, et cetera. Set si aliquis homo, et cetera, contra hoc uenerit pariat dictam hereditatem duplatam et insuper solidos C.

Facta karta testamenti era I^a C^a LX^La VIII^a et die XI kalendas decembris.

Ego frater Gudesindus, et cetera.

Q. p. f.: Petrus, ts. Johannes, ts. Pelagius, ts. Pelagius Froyle, conf.

Domnus abbas Arias, conf. Petrus Caluus, prior, conf. Petrus Carnota, conf. Arias Munionis, conf. C<r>esconius Muniz, conf. Arias Petriz, conf. Johannes, monachus, conf.

Munio, presbiter, qui notuit et conf.