Testamentum domni Johannes Marini ultimi.

In nomine Domini, amen. Era Ma CCCa nona et quotum IIIo idus decenbris. Notum sit omnibus quod ego domnus Johannes Iohannis Marinus, miles, corpore debilis tamen cum integritate sensus corporis mei et cun (sic) tota memoria mea existens, dispono et ordino de omnibus bonis meis et rebus qualiter post obitum meum remaneant ordinate. Primo mando corpus meum sepeliri in monasterio Sancti Justi de Togis Altis et mando ibi mecum ducentos morabitinos ad construendum quandam capellam super se- // -pultura mea. Item mando dari eidem monasterio CCC morabitinos alfonsinos ad emendum unum casale hereditatis ad opus guberni cuiusdam monachi qui celebret in dicta capella missam pro anima mea. Mando predicto monasterio Sancti Justi totas domos et vineas et hereditates quas habeo et habere debeo in Virrines et quantam hereditatem ibi comparaui et ganaui de Azenda Capella integre; et medietatem de quanta hereditate ibi comparaui et ganaui de filiis Johannis Capella, et altera medietas ipsius hereditatis quam comparaui et ganaui de predictis filiis Johannis Capella remaneat filiis meis quos habeo de domna Sancia Roderici sine domibus et uineis quas confiteor ganasse sine domna Sancia Roderici quas lego dicto monasterio Sancti Justi. Mando predicto monasterio Sancti Justi quantam hereditatem habeo et habere debeo in casali de Aldea cum suis directuris quod est prope Uerrimes in filigresia Sancti Iohannis de Lousamia, et casale hereditatis de villari de Armentar in terra de Nemancos pro animabus illorum quibus iniuriam feci. Mando dicto monasterio CC solidos ad opus unius pitancie. Quito et abnuncio et relinquo dicto monasterio quantam hereditatem de eo tenebam in Uerrimis et medietatem tocius cauti de Torea cum suo ecclesiastico et terciam tocius uille de Villanoua de Nemancos in filigresia Sancti Christofori de Codesso, et medietatem de quanta hereditate dictum monasterium habet in Neuar, et hereditate de Syeira que fuit Didaci Muniz de Curuido, et quantam hereditatem dictum monasterium habet in Soniar et in ambabus uillis de Doey in terra de Loania, et quantam hereditatem dictum monasterium habet in filigresia Sancti Laurencii de Ogrom, et tria casalia hereditatis in Grazo que tenebam concambiata cum domna Tharasia Lupi, et hereditatem de Sanderezo in filigresia Sancti Uincencii de Sespooa que fuit Fernandi Petri de Eyra et uxoris sue Marine Iohannis, et aliam hereditatem que ipsi tenebant de dicto monasterio, et unum casale hereditatis in filigresia Sancte Eugenie de Maraciquos que fuit Petri Romei; quito inquam omnes predictas hereditates cum suis populationibus sicut modo stant et cum quanto ibi comparaui, profectaui et ganaui. Quito etiam dicto monasterio omnes illas hereditates quas de eo tenebam ubicumque sint. Mando predicto monasterio partem meam illius hereditatis de Guyllar in filigresia Sancti Saluatoris de Auancis quam comparaui et ganaui cum domna Sancia Roderici, que casalia, domos, hereditates, vineas, tenebam et possidebam de dicto monasterio et cetera. Constituo rectores et completores istius mei testamenti Sancium Iohannis, abbate monasterii Sancti Justi, et uxorem meam domna Mariam Martini; et ipsi compleant illud sine dampno suo per omnia que habeo in Senderezo et in tota filigresia Sancti Vincencii de Sespoa et per domum meam de Riali cum sua vinea et per quantum habeo in filigresiis Sancti Petri de Muro et Sancte Marie de Junio et per medietatem meam \de/ equabus et per totum meum auere mobile et per quantum habeo in filigresia Sancte Eugenie de Maracicos et in terra de Ripa Ulie et de Decia que pertinent ad celarium de Pousada; que omnia predicti completores tenenant in iure et in manu quo usque hoc meum testamentum sit completum in omnibus et per omnia ut supra scriptum est. Et mando me poni prope pignarium monasterii Sancti Iusti de Togis Altis super terra, et quando hoc meum testamentum fuerit completum mando me sepeliri in monasterio Sancti Justi in capella quam ibi mando fieri. Et hoc meum testamentum sit semper penes abbatem Sancti Justi.

Siquis igitur contra hoc meum testamentum ad irrumpendum uenerit tam ex parte mea quam extranea quisquis fuerit, sit maledictus usque in septimam generationem et cum // Datam et Abirom, quos uiuos terra obsorbuit, penes inferni luat et insuper pectet uoci regie mille morabitinos monete nigre domini regis, testamento isto meo nichilominus in suo robore duraturo.

Q. p. f.: Domnus Julianus Martini de Tudela. Martinus Pelaiz dictus Cardinalis. Pelagius Iohannis dictus de Bayona. Johannes Petri Reymundez. Petrus Gougere, mercator. Martinus Iohannis de Verees, miles. Petrus Moogus, capellanus dicti domni Johannis Iohannis. Johannes Bonus Scriptor.

Ego Dominicus Petri, notarius compostellanus juratus, interfui et conf., et de mandato meo infrascriptus Laurencius Petri scripsit (Monogramma: DOMINICVS).

Ego Laurencius Petri, de mandato Dominici Petri, notarii compostellani jurati, scripsi.