Carta de Petro de Auterio, miles, de hereditate de Bauzas et de Pignario.

In Dei nomine. Ego Petrus de Auteyro, miles, cum uxore mea Ermesenda Muniz et omnis uox nostra vobis domno Petro, monasterii Sancti Justi de Tribulis Altis abbati, et omni conuentu monachorum eiusdem monasterii et omni uoci uestre, salutem. Placuit nobis puro corde et bona uoluntate ut faceremus sicut et facimus cartulam uendicionis imperpetuum ualituram de quidam nostra hereditate propria quam nos habemus de nostra ganancia quam ganauimus de socero meo Munione Sarraceni et de uxore sua Sancia Petri quam Bauzas uocant quomodo jacet de Bauzas de agro ipso VIa, et similiter de ipsa uilla de Pignario tam de auolencia quam de ganancia quantum ibi habeo uel habere debeo, vobis damus per suos terminos intus et extra sicut per placitum habetis de nobis in pignore, concurrente ad ecclesiam Sancti Juliani de Bastauales; et similiter de trauessas VI que iacent super uessadam et de ipsa uersada de sub vallo VIa, et de ipso agro de Amenales VIa et de leyra de Asparile que iacet in Sauagianes VIa et totam uocem de Bouzas et de villa de Pignario per ubicumque suam uocem potueritis inuenire; quam hereditatem nos uobis uendidimus pro precio quod datis et nos recipimus videlicet La solidos de bona moneta quod nobis et uobis satis complacuit, et robore ad libitum; et de precio aput uos nichil remansit in debito ad soluendum. Abinc igitur die iste hereditates sint de nostro iure abrase et in uestro jure sint confirmate, vendite, donate atque ex ea omne uelle uestrum faciatis per cuncta seculorum secula, amen. Siquis nobis propinqus uel extraneus contra hanc kartam uendicionis ad irrumpendum uenerit uel uenerimus quisquis fuerit quantum calumpniauerit in duplo uel triplo componat et insuper pariat solidos C; et semper kartula uendicionis in suo robore permanente.

Facta carta uendicionis III^o kalendas aprilis sub era Ia CC^a uicesima.

Ego Petrus de Auterio, miles, et uxor mea Ermesenda Muniz in hac carta manus nostras.

Q. p. f.: Petrus, ts. Johannes, ts. Pelagius, ts. Didacus Uelascus, conf.  Petrus Maurus, conf. Petrus Pelagii, conf. Petrus Sanici, conf. Petrus de Osey, conf.  Petrus Froyle de Villas, miles, conf. Didacus Martini, conf. Pelagius Didaci, diaconus,  conf. Didacus Didaci, conf.

Petrus qui notuit.