Placitum de Petro Moogo, presbitero de Sancto Juliano de Loania super hereditate de Ninaes et de Viogio et de filigresia Sancti Juliani.

Era M^a CC^a LXX^a VI^a et quotum XV^o kalendas decenbris. Ego Petrus Moogus, presbiter Sancti Juliani de Luania, in uoce Didaci Petri dicti Nepti, presbiteri capellani domni Johanni Arie, electi compostellani, et omnis uox mea vobis domno Johanni Petri, abbati Sancti Justi de Tribulis Altis, pro uobis et pro conuentu ipsius monasterii omnique uoci uestre facio pactum et placitum firmum // et conuenienciam in D solidis roboratum, ita quod uos datis predicto Didaco Petri in uita sua medietatem de quanto predictum monasterium habet in Ninaes de Suso et in Ninaes de Iuso in filigresia Sancti Juliani de Luania, et propter hoc ipse Didacus Petri quitat ipsi monasterio illam seruicialiam de Veogio quam et quantam Didacus Martini dictus Sacus ibi tenebat Didaci Pelagii, presbiteri Sancti Juliani de Luania, sicuti ego predictus Petrus Moogus, presbiter, et Petrus Moogus de Cornanda, monachus Sancti Justi, illam hereditatem inquisiuimus de mandato uestro domne abbas et predicti Didaci Petri, presbiter, que hereditas est in talibus locis scilicet quantum hanc ecclesia Sancti Juliani de Luania et heremita Sancti Christofori de Ripa Tamaris in uoce de Luzus et in uoce de Torneyros et quantam hereditatem Didacus Pelagii, presbiter, acquisiuit in uoce de Mirones et laream marcatam de Aucterio que dicitur Sancti Christofori et duas lareas marcatas que sunt in Perariis, et laream marcatam de Fonteperrina, et laream marcatam de Paredes, et laream marcatam de Longara sicut uadit cum suis ripis, et quantum habet ecclesia Sancti Iuliani in uilla de Guistrimir; et insuper ipse Didacus quitat dicto monasterio quantam hereditatem ipse habet de auolencia et quantam habebat Petrus Muniz et Pelagius Muniz, presbiteri, auunculi ipsius Didaci, inter Raniam Longam et Bustum de Frades in filigresia Sancti Iuliani de Luania, et quantum habebat in Castinariis; et predictus Didacus Petri det illam tenere in uita sua scilicet istam quam habet de auolencia sua et de auunculis suis supradictis ad mortem ipsius Didaci ad monasterium libere et integre deuoluatur. Siquis nostrum contra hoc uenerit pectet alteri parti penam supradictam, placito in suo robore permanente.

Q. p. f.: Domnus Jacob Iohannis et Michael Pelagii de Christo, mercatores.  Domnus Petrus Petri et Martin Saniz et Petrus Moogus dictus de Cornanda, monachi Sancti Iusti. Martinus Martini dictus Treela Sancti Juliani de Bastauales. Michael Iohannis et Martinus Iohannis de Noya.

Ego Martinus Iohannis, notarius concilii compostellani juratus, de mandato predicti abbatis et Petri Moogu, presbiteri supradicti, feci scribi.

Ego Adam Petri de mandato magistri mei Martini Iohannis, notarius concilii compostellani, scripsi.