15
1156, outubro, 28. Peñafiel.
O emperador Afonso VII confírmalles ó bispo de Mondoñedo don Pedro (1155-1167) e ós seus sucesores tódolos coutos tanto antigos coma novos e outórgalle a Vilamaior, actual Mondoñedo, o foro de León, o título de cidade e o dereito de ter feira tódolos primeiros de mes.
A, perg. AHN, Sección clero, carp. 1185, n.º 9.
B1, perg. facsímile, de 385 x 315 mm. Letra carolinxia. (Séguese na transcrición).
B2, perg., escrito por Fernán Domínguez, de 275 x 370 mm.
B3, perg., escrito polo notario Domingos Fernández en 1332, de 600 x 370 mm.
C, papel. Baséase en B2.
Ed.: flórez, vol. xviii, p. 348; f. mayán: Historia de Mondoñedo, Lugo, 1994, p. 24 (Fotocopia).
(Crismón) In nomine sancte et indiuidue Trinitatis que a fidelibus in una deitate colitur et adoratur quem imperium constitutione legum et sacrorum preceptione canonum / idoneum est et rationi congruum uiros uidelicet religiosos onorare et precipue episcopos Christi uicem gerentes in terris et eorum loqua sancta quam pluribus / bonis ampliare et ampliata munire munitaque auctenticis strumentis et memorialibus ob uetustatem temporum roborare ideoque ego Aldefonsus pius / felix inclitus triunphator hac semper inuictus Hispanie diuina clementia famosissimus inperator una cum uxore mea domna imperatrici Rica / et cum filiis meis Sanctio et Fernando regibus simul etiam cum filiabus meis scilicet Constancia inclita francorum regina et cum nobili Nauarre regina facio cartam et scriptum firmitudinis tibi Petro uallibriensis sedis episcopo et omnibus subcessoribus tuis et conuentui eiusdem ecclesie / ob remedium anime mee et parentum meorum. Hoc igitur scripto do et confirmo tibi tuisque subcessoribus cautos tuos tam ueteres quam nouos inter que hec / dignum duximus exprimere propriis uocabulis id est cautum Uillemaioris ubi sedes est et cautum Sancti Martini et cautum Britonie et illa que / habet ecclesia uestra a Portu Iuuie usque ad Sanctum Martinum et cautum de Furones et de sancto Iacobo de Silua et de Lea et de sancto Martino de Maariz et / cautum de Portuzelo et de Graliar et cautum de Moogorum et de Uaris et Landroue et cautum sancti Mametis in Montenigro cum omnibus foris /hereditatibus que ecclesia uestra habet in terra illa et alios omnes cautos prefate ecclesie et diuisiones terrarum cum comitibus uidelicet Goterri et Roderi/co ab episcopo Munio factas et coabitacionem in Uillamaiori ubi sedes est faciendam iusta mores et consuetudines Legionis ciuitatis. / Ita dico ut quicumque ibi conciuis uoluerit esse secundum consuetudines et forum Legionis iudicetur. Et sit ibi mercatum commune in omnibus kalendis / anni et in festo sancte Marie medii augusti per viiiº dies feria. Et quicumque impedierit mercatum uel feriam sit mihi et filio meo et successioni mee / sit reus et persoluat episcopo et ecclesie cccccos solidos reddat quod accepit in dupplum. Canonicis etiam ipsius ecclesie do cccccos solidos in cauto / volo enim ubi sedes est quod sit ibi sub mea defensione ciuitas instituta. Et quicquid religionis uel beneficii in ecclesia Sancti Martini ubi sedes fuit / facere poteritis confirmo. Confirmo etiam omnia scriptura uestra que habetis tam a me quam a regibus quam a principibus et hoc factum meum / firmum et inconcussum. Si quis infringere temptauerit sit inprimis excommunicatus et cum Datam et Abiron quos terra uiuos absorbuit condennatus / persoluat etiam tibi uel uocem tuam pulsanti viex mille solidos hoc meo facto semper in robore suo existente. Est autem facta carta ista in Pena/fiel ueniente domno imperatore celebrare concilium ad Palenciam quinto kalendarum nouenbrium Era j. c. nª (nonagesima) iiii imperante eodem Alde/fonso glorioso pio felici hac semper inuicto Gallecie Legioni Castelle Nagere Cesarauguste Toleto Almarie Baecie Anduger vassalli im/peratoris comes barchilonensis rex Nauarre rex Murcie sunt alli multi uassali eiusdem potentissimi quorum nomina non scribuntur hic. / Ego Aldefonsus Hispanie imperator una cum filiis et filiabus meis hanc cartam quam fieri iussi propria manu mea roboro atque confirmo.
(1ª col):
Rex Fernandus confirmat
Comes Poncius maiordomus confirmat
Comes Ramirus confirmat
Comes Rodericus confirmat
Comes Gundisaluus confirmat
Comes Petrus asturicensis confirmat
Vela Guterri maiordomus filii regis confirmat
Aluarus Roderici confirmat
Pelagius Curuus confirmat
Poncius de Minerba confirmat
Menendus Bregancia alferiz regis filii confirmat
Johannes toletanus archiepiscopus et primas confirmat
Vincentius segobiensis episcopus confirmat
Johannes osmensis episcopus confirmat
(2ª col.):
Martinus ecclesie beati Iacobi archiepiscopus confirmat
Iohannes legionensis episcopus confirmat
Martinus auriensis episcopus confirma
Iohannes lucensis episcopus confirmat
Ysidorus tudensis episcopus confirmat
Nauarro salamantinus episcopus confirmat
Stephanus zamorensis episcopus confirmat
(Despois destes nomes atópase un signo e nel lese: Fernandus rex legionensis proprio robore confirmat nec sit qui infringat). (Despois do signo):
Celebrunus saguntinus episcopus confirmat
Ragmundus palentinus episcopus confirmat
Enegus auulensis episcopus confirmat
(3ª col.):
Ego magister Petrus domni imperatoris cancellarius qui hanc cartam confirmat
Ego Rabinatus clericus et diaconus hanc cartam propria manu mea scripsi confirmat
(Na parte inferior desta columna atópase o signo de Afonso VII e nel lese: Signum Imperatoris)
(4ª col.):
Rex Sancius confirmat
Comes Manricus tenens Baecie confirmat
Comes Lupus confirmat
Comes Uela confirmat
Gutier Fernandi confirmat
Gutier Prego confirmat
Gundisaluus Roderici confirmat
Buigo de Saldana confirmat
Gundisaluus de Maranon confirmat
Alferiz Aldefonsi Imperatoris confirmat
Martinus Diaz de Uale Unxore confirmat
Martinus Muniiz confirmat
Gomez Fernandiz Alferiz regis Sancii confirmat
(Reverso):
M. vii. n. 73. Carta imperatoris de Villamaiore et de aliis cautis.
