Ego Fiel Erizi et Ovecco Ovequizi confidentes in veram summe Trinitatis plaxum firmum et legalem pro remedio animarum nostrarum ad eclesiam sancte Marine virginis et martiris de Aquis Sanctis, vobis domno Pelagio abbati Cellenove.

In Era M C LXXXI, XVII kalendas Augustas.

De medietate eclesie sancti Iohannis de Felgoso super quam abuimus contemptionem per fiaduriam de C solidis de qua vos domne abbas nos solvistis pro XXXªV solidis quos Petro Raro dedistis qui est maiorinus regalis, ut totam partem quam inde abemus et possidemus vel abere pensamus, numquam illam demandemus nec contrariemus sed firma et inconvulsa maneat post partem sancte Marine de Aquis Sanctis. Nam alia medietas ipsius eclesie sancti Iohannis iam antiquitus erat testata et possessa a rectoribus sancte Marine, et idcirco istam aliam medietatem ipsi predicti sancte Marine concedimus ut deserviat habitantibus convenientibus vel commorantibus in ipso loco sancto, ut abeant inde servi Dei et sancte Marine temporale subsidium, et nos ante Deum premium sempiternum. Et tali pacto sancte Marine istam eclesiam offerimus ego supradictus Fiel Erizi et Oveco Ovequizi ut numquam illam eclesiam ad sanguineos clientulos vel ad amicos nostros ad morandum, laborandum vel ad possidendum, rogando, minando vel imperando demandemus, sed clericus, monacus vel quicumque eclesiam sancte Marine regerit tenuerit mittat in predicta eclesiam sancti Iohannis et ciciat ex ea quemcumque voluerit, et qui ei cum ea melius servierit et qui eam plus augmentaverit et laboraverit. Quod si minime fecerit et istum plazum fregerit tam nos quam gens nostra, propinquus vel extraneus, quisquis ille fuerit, componat post partem eclesie sancte Marine ipsam eclesiam triplatam et insuper CCos Lª solidos, et iudicatum. Et hoc factum nostrum non sit violatum sed semper maneat per omne seculum firmum.

Ego Fiel Erizi et Oveco Ovequiz in hoc plazo coram ydoneis testibus in concilio vobis domno Petro abbati Cellenove, gratanter manus nostras proprias roboramus. Regnante imperatore domno Adefonso in Legione et comite domno Fernando tenente Alliaricum et totam Limiam, cum clientulo suo domno Fernando rege ipsius imperatoris prole.

Pro testibus: Gundisalvus ts. Petrus ts. Pelagius ts.

Menendus prior Cellenove notuit.