Ego frater Tellus vobis abbati domno Pelagio et omnibus fratribus monasterii Cellenove, sub manu vestra degentium. Facio placitum firmissimum pro ipsa eclesia vocabulo sancto Cosmas quam dicent de Agapi, et iacet iuxta aquam Mauri inter Eirizi et Parata de Monte, ut teneam eam de vestra manu, et laborem eam et \h\edificem et plantem, et faciam cum illa ad vos servitium et non extranem illam ad vos nec illis qui pos vos successerint in monasterio Cellenove, nec mittam ullam suppositam malam per ubi vos illa careatis vel a monasterio, sed semper post parte monasterii maneat, et ego vobis cum illa servitium faciam. Si quis quod ego hunc placitum mentiosus in aliquo tempore fecero et inde aliter egero quod in hunc placitum resonat que pariam vobis vel voci vestre Cm solidos pacatos, et si contempsero ut duplem et insuper prehendati vestram eclesiam absque alio dominio pacatam cum quantum ibi inveneritis sine nulla calumnia.

Ego frater Tellus in hunc placitum manu nostra roboro.

Factum placitum IIe kalendas Apriles. Era M C XXIII.

Gutinus ts. Arias ts. Gundesindo ts.

Guimundus notuit.