In Dei nomine. Ego Baltario et uxor mee Leovilli vobis patri nostri domni Rudesindus episcopus et fratribus vestris Cellenove. Placuit nobis atque convenit bone pacis volumtas ut facerem vobis iamdictis cartulam vendicionis de vineas nostras proprias que habemus in villa que dicunt Ravanal discurrente rivulo Arnogie et iacent ipsas cum vineas de frater Gondemaro et de Asoi de Itila que iam comparastis. Ipsa mea ratione in ipsas vineas preciata de XX IIII modios vobis vendimus atque concedimus et X mazanarias inter vestros pomares que iam vobis comparatos habetis cum suo terreno ab integro. Et accepimus de vos proinde precio pro illas vineas et illas mazanarias XXXª modios inter cibaria et vino et pannos precio que nobis bene complacuit et inde apud vos nichil remansit indebito sed est completo apud nos, ita ut de hodie die et tempore sint ipsas vineas et ipsas mazanarias cum suo terreno de nostro abrasa et in vestro iure concessa et in perpetuo vindicetis vos et omnis posteritas vestras. Et si aliquis homo proinde vos calumniare voluerit qui a nobis vobis in iudicio non valuerimus auctorgare et confirmare post vestra parte, quomodo pariemus vobis ipsas vineas et ipsas mazanarias duplatas et vobis perpetim habituri.

Facta kartula vendicionis XII kalendas Apriles. In Era M.

Baltario et uxor mea Leovilli in hanc cartula vendicionis manus nostras roboramus (signum).

Roasondo ts. Davi ts. Karutu ts. Cipriano ts. Nepociano ts. Mogeimo ts. Crescitu ts. Baldemirus presbiter ts.