Carta de Ardio Martini de suis hereditatibus in Esteyro, in Tali, in Bornalio, in Sancto Stephano, in Sancto Saluatore, in Torea, in Aamir.

In Dei nomine. Ego Aidilo Martiniz et omnis uox mea vobis abbati domno Arie monasterio Sancti Iusti et omni conuentui monachorum facio kartulam uenditionis de hereditate mea propria quam habeo ex parte auolentie mee seu ganantie certis locis in Estario, in Tale, in Bornalio, in Sancto Stephano, in Sancto Saluatore, in Torea, in Aamir cum omnibus suis directuris et prestanciis quocumque in loco eam intus uel foris potueritis inuenire uel sicut in kartulis resonat in quibuscumque terminis et iacenciis, id est ex una parte per montes de Pigna et ex alia per montes de Talei et inde per Castro Uetere usque ad marem // Tamarensis. Ex his omnibus supradictis hereditatibus facio uobis textum uendictionis pro precio mihi dato atque ex mea parte recepto ex uestra uero sine calumnia cum libuit dato, id est sagia una grisonem, quartarios tres de cibaria et libram in monasterio seu partem beneficiorum que omnia fideliter complestis et ego dum uixi recepi quod mihi et uobis bene satis complacuit. Quod si qualibet ex parte aliquis uenerit qui hoc contradicere temptet sit maledictus et excomunicatus et hereditates in duplo restituat.

Facta karta uendictionis in era I^a C^a LX^La VIII^a et quotum VIII^o idus iunii.

Ego Ardilo in hac karta manus roboro.

Q. p. f.: Petrus, ts. Ordonius, ts. Cresconius, ts. Pelagius, conf. Arias, conf.  Johannes, conf.

Martinus, clericus, notuit. (Signum).