Carta de Petro Cresconii, presbitero, de hereditate sua in Pinol et in Louoraes.

In nomine sancte, et cetera. Ego Petrus Cresconii, presbiter, pro Dei amore et beate Marie uirginis et sanctorum Justi et Pastoris et pro remedio anime mee et parentum meorum vobis domno Johanni, monasterii de Sancto Justo abbati, et omnibus fratribus tam presentibus quam futuris ibidem Deo seruientibus, grato animo et spontanea uoluntate facio testamentum et kartulam donacionis imperpetuum ualituram de tota mea hereditate quantam ego habeo uel habere debeo de auolencia et de ganancia in terra de Trasmonte sub aula Sancti Laurencii de Ogrom in loco certo villa Pinol. Dono itaque et concedo predictam hereditatem cum vna bona casa quam ego ibi feci et cum aliis casis et casalibus, arboribus et plantacionibus cum montibus et fontibus, cum ingressibus et regressibus et cum quanto ad prestitum hominis est v<obis>18 et monasterio uestro mecum et cum duobus filiis meis, Petro et Dominico, quos in ordine mitto ut semper eis in ordine bonam continenciam habeatis, et maxime Dominico, qui minor est, et meliorem indiget continenciam et nunquam, et cetera. Habeatis igitur uos eam et omnis posteritas uestra et posideatis in secula seculorum. Testor etiam ibi et concedo sub eadem condicione totam meam hereditatem de Louoraes. Siquis autem contra hoc uoluntarium meum factum ad irrumpendum uenerit sit maledictus usque in VIIam generationem et insuper pariat duplatum uel triplatum quicquid in calumpniam miserit; et hoc scriptum semper maneat firmum.

Facta carta sub era I^a CC^a L^a II^a et quotum II idus maii.

Ego Petrus Cresconii in hoc scripto quod fieri iussi manus roboro.

Q. p. f.: Domnus abbas Johannes Tudini, conf. Prior Fernandus Iohannis,  conf. Petrus Gascus, conf. Petrus Uilianus, subprior, conf. Petrus Petri, ts. Gonsaluus Pelagii, ts.

Dominicus, cantor, qui notuit.