Carta de Guntrode Petri et de viro suo de hereditate Cirquides Minore et de casale de Berilli.

In Dei nomine. Ego Guntrode Petriz et uir meus Petrus Cresconez dictus Granion vobis domno abbati Petro monasterii Sancti Justi et cunctis fratribus uestris in Domino Deo eternam salutem. Placuit nobis et nostra fuit uoluntas ut faceremus vobis cartam vendicionis de hereditate nostra propria quam habemus in territorio Pistomarciis juxta fluuium Traua sub aula Sancti Johannis de Lausame in loco certo in villa Cirquides Minore in casale de Berilli. Vendimus uobis de ipso casale de Birilli de illa quarta que fuit de auolo nostro Afonso Saniz quartam integram que nobis euenit inter nostros germanos et parentes; et dedistis nobis pro precio vnum pultrum bonum quod nobis et uobis bene complacuit. Habeatis eam, et cetera. Set si aliquis de nostra parte uel extranea uenerit pariat uobis ipsam hereditatem duplatam et insuper solidos L^Xa; ista scriptura, et cetera.

Facta carta uendicionis era I^a CC^a XX^a VIIII^a.

Nos supradicti, et cetera.

Q. p. f.: Johannes, ts. Pelagius, ts. Didacus, ts. Johannes, presbiter, conf. Petrus, presbiter, conf. Pelagius, presbiter, conf.

Munio, presbiter, qui notuit.