Christus. In nomine sancte et vere Trinitatis domnos sanctos et gloriosos ac post Deum mihi fortissimos patronos, Sancte Marie semper virginis, Sancti Petri apostoli, et Sancte Marine virginis et martires Christi, cuius baselica sita est in villa que vocitant Sancto Petro, iuxta rivulum Sorica, et subtus monte Leporario. Pro nomine Domini nostri Ihesu Christi amoreque vestre eclesie perpetuitatis honore. Ego ancilla vestra Adosinda quia expuncta morte corporea de hoc seculo ad alium humane transferuntur anime, tamquam illic semper venire considerant, quia ad peragenda boni operis corde et corpore pigritas monet Dominus dicens, Data et dabitur vobis. Ic etenim omnia que in hoc mundo ad usum hominis conferuntur, a Deo qui creavit omnia ordinantur. Valde Deo dignum est ut de quo accepit unusquisque in mundo ex hoc complaceat pure oblationis instinctum. Per hoc etenim futura cumulat premia per quod presenti coram Deo digne dispensat. Tua sunt Domine et que de manu tua accepimus dedimus tibi. Ut cum voce oronnis subiumxit dicens [piam] Domine ut in veneratione nominis // in mens ista permaneat ad nos qui sumus futura temporis potestas eiusdem boni operis devotionem transvisit. Adeo his et talibus perventis oraculis vestro sancto suffragio aput Dominum a cunctorum meorum nexibus absolvi peccaminum, ut aboleantur honera peccatorum meorum, et desiderate eterne stadium placito percurrere passu. Ac si concedo et offero sacrosancto altario templi vestri sito iam supramemorato loco, confero ibidem vestre aule pro sustentatione religiosorum et degentium atque cunctorum sacerdotum fidelium ibidem concurrentium. Inprimis namque concedimus ipsius eclesie omne hornatum vel utensilia quicquid cultoribus eclesie necessarium debet, id est crucem calicem et pateram argenteos ex lapillis et auro contextos, signum et libros eclesiasticos seu vela siricea principales qui ad faciem apendunt altaris, sive et casullas et orales. Omnem ipsam eclesiam secundum eam fundamentavi ab integro cum viro meo Placentio cum domibus, edificiis et pomiferis suis. Sic eam concedimus sub manibus pontificis domni Rudesindi episcopi ita ut qui in ipso loco in vita sancta perseveraverint tam presbiter, confessor vel quem decanus ibidem duxerit et in agone Dei extiterit sub religione, ipsius pontificis sit in eadem prefato loco. Pro substentatione fratrum testamus ipsius eclesie ibidem deservientium de omni ipsa villa quam vocitant Sancto Petro per omnes terminos antiquos VIum portionem integram, in omnique giro sive et terras, et sautos qui sunt in terminum de Sancto Petro usque in fontano qui discurrit de domo Sendini quousque vadit ad monasterium Sancti Vincenti, et infundit se in Sorga ipsas terras et ipsa sauta inter ipso fontano et ipsos terminos de Sancto Petro ab integro omnia concedimus eclesie sancte. Adicimus etiam ibidem medietatem de monasterio Sancti Vincenti et Sancti Stephani sub manus ipsius pontificis cum domibus et omnibus prestationibus suis terras quas ibidem fratres arripuerunt de ipsa eclesia usque in rivulo Sorica et usque in terminos de Sancto Petro de omnes has terras, testamus idem eclesie Sancti Vincenti medietatem ibidem deservientium. Donamus ipsi prefate eclesie peccora, id sunt vaccas X, oves XX, porcos X, anseres X. Donamus ibidem de villa de Savoceto, id est casa de XIIm statos, orreum unum, cupas III, cupos VI, mensas IIIIor, baionolas III, kathedras XV, servitium unum inter concas et mensorios XXX, et meta in pede de LX modios. Omnia hec aule sancte eclesie ab hodierno die et tempore perpetum conferimus abenda. Quod sine aliquo tempore et formidine et potestate de nostro in vestro iure adprehendens perpetuo faciat sotiare. Ego vero cum coniuratione confirmo per Deum et divina omnia que sunt sancta quia contra hunc factum meum ad irrumpendum nunquam ero venturam. Si quis sane, quod fieri non credo, aliquis contra hanc seriem testamenti ad irrumpendum venire convanerit vel venero, inprimis sit extraneus a cetu christianorum et cum Iuda traditore abeat participium in eterna damnatione, et temporali damno auri libras quinquagenas fisco persolvat, et hanc testamentum perpetim abeat firmitatem. Hec omnia suprascripta iuri vestro perhenniter tradimus confirmanda. Ita tales sacerdotes ibidem esse iubeatis qui in vitam sanctam perseverent, et votum meum et de viro meo Placentio vel filiis mostris in diem Nativitatis Deum sacram oblationem per singulos annos Domino offerant, et in sacerdotibus et pauperibus bucellam panis et vini quantum iures abuerunt distribuant, unde nobis Domino propitiante eveniat mercedis cumulum et glorie premium, amen.

Facta scriptura donationis vel testamenti VIIIº kalendas Iunii. Era D CCCC LX V.

Adosinda in hoc testamentum quod fieri elegi manu / mea (signum).

Munnius Fredosindiz ts. Vitisclus Arias ts. Nunus Menendiz ts. Seniorinnus ts. Hermiarius Hermiariz ts. Sigericus presbiter ts. Donnon Malasconiz ts. Cresconius presbiter ts. Velasco diaconus ts. Zezi diaconus ts. Ansuri diaconus ts. Item Assuri diaconus ts. Hermegildus diaconus ts. Vidramirus diaconus ts. Aloytus diaconus ts.

Vermudus presbiter qui scripsit.