Sepan quantos esta carta de liçençia viren commo nos frey Iohan Nunes, por la gracia de Dios maestre della caballeria de la orden de Calatrava, outorgamos et damos liçençia a vos Gonçalvo Sanches et Sancho Sanches, nuestros freyres, fijos de Sancho Ferrnandes de Riba de Neyra et de Elvira Aras de Paradella, para que podades vender o enpennar o dar o concambear et aprovechar vos, en qualquer maneyra que entenderdes que mejor vos sera, de todas las herdades et benes que vos pertenesçen aver de herença destos dichos vuestros padres, assy las que disedes que avedes en Riba de Neyra et en Paradella commo en qualesquer otros lugares que los vos ayades, et desto vos mandamos dar esta nuestra carta de liçençia aberta et seellada con nuestro seello del mestradigo.

Dada en Valladolid, nove dias de junio, era de mill et tresentos et noveenta et hun annos. Pedro Arias.