Testamentum de domno Lupo Marra, militis.

In nomine Domini nostri Ihesu Christi, amen. Era M^a CC^a LX^La prima et quotum V^o kalendas decenbris. Mando ego domnus Lupus Froyle, miles, dictus Marra in graui infirmitate positus adhuc memoria et sano intellectu dispono de omnibus rebus meis qualiter post obitum meum remaneant ordinata. In primis mando corpus meum sepelliri in cimiterio monasterii Sancti Justi de Tribulis Altis, et mando ibi mecum quantum habeo et habere debeo in Semar et quito prelibato monasterio quantam hereditatem ex eo teneo. Et mando etiam predicto monasterio quantum habeo et habere debeo in Bugiam et in Villari Sicco et in Eremo de Surso tali pacto quod intregent quantum leuaui per simoniam de Sancto Juliano de Beua et de Sancto Martino de Olueyra et de Sancto Vincencio de Dugio, et malefactorie que exierint postquam uero quod hoc totum fuerit intregatum remaneat Bugiam et Uillar Sicco et Ermo de Sursum filiabus meis et mulieri mee. Et si mulier mea uel filie mee hoc pactum uoluerint frangere habeant maledictionem meam et pectent D morabitinos. Et mando Sancte Marie de Finibus Terra, et cetera. Et ista manda fuit facta in Ual de Xema, et mando quod leuent eam sigillatam sigillo de Xema et quod ista manda uadat ad Sanctum Justum et demandent pro filiabus meis et pro muliere mea et pro hominibus bonis et legant istam mandam et dent inde medietatem filiabus meis et mulieri mee et alteram medietatem abbate et conuentum Sancti Justi; et si filie mee et mulier mea uoluerint hoc concedere dent hanc mandationem Petro Pelaiz Marino qui faciat eam complere.

Q. p. f.: Petrus Fernandi, conf. Fernandus, presbiter. Domnus Leonardus. Martinus Fernandi. Domnus Stephanus Lupiz. Dominicus Andres. Dominicus Roderici de Tauro. Pelagius Gundisalbiz de Duyo. Petrus Guterrez. Johannes Amicus. // Fernandus Chascus. Petrus Uidal.

Martinus Iohannis, presbiter, qui notuit eam in die Sancti Facundi et Primitiui.

Ego Johannes Petri, notarius concilii Noye juratus, scripsi.