Anuncione de Fernando Iohannis, miles, et de fratre suo Petro Iohannis de hereditate de Aluariza.

In era I^a CC^a LX^a et quotum VIo kalendas februarii. Ego Fernandus Iohannis, miles, et frater meus Petrus Iohannis et omnis uox nostra vobis domno Johanni Tudini, monasterii Sancti Iusti abbati, et omni conuentui ipsius monasterii facimus nuncionem in solidis C roboratam de illa hereditate quam uobis dedit Adosinda Petri, mea seruiciale, in villa de Aluariza pro ipsa uestra casa de Aluariza que fuit de Petro Gudestei quam uos ei et viro suo Didaco Petri dedistis ad habitandum quando erant nostri seruiciales sicut in nostris placitis resonat. Et si aliquis de nostra parte hanc nuncionem irrumpere presumpserit sit maledictus et insuper pariat penam supradictam.

Q. p. f.: Fernandus Iohannis, prior, conf. Petrus Ordonii de Aluaricia. Johannes Alfonsi, monachus. Petrus Gascus. Et alii.

Petrus Batalia qui notuit et confirmat.