Reverendis in Christo patribus dominis archiepiscopis et episcopis in Hispania et Vasconia constitutis ad quos presentes littere invenerint. Johannes, lucensis episcopus, ad infra scripta a sede apostolica delegatus, salutem et mandatis nostris imo verius apostolicis firmiter et humiliter obedire litteras felicis recordationis, domni Alexandri Pape quarti, sua una bula in filo canapis bullatas ex parte archiepiscopi et capituli compostellani nobis presentatas recepimus tenoris et continentium subsequentis: «Alexander episcopus servus servorum Dei venerabilibus fratribus archiepiscopis et episcopis per Hispaniam et Guasconiam constitutis salutem et apostolicam benedictione. Occurrere debet apostolica sedes presumptionibus malignorum et eorum excessus pastorali solicitudine cohibere sane ad audientiam nostram venerabili fratre archiepiscopo compostellano significante pervenit quod quidam in Ispania et Guasconia comorantes detestande cupiditatis ardore succensi adulterina insignia beati Jacobi cudere ac vendere propia temeritate presumunt volentes igitur presumptores huiusmodi vestro studio cohiberi fraternitati vestre per apostolica scripta in virtute obedientie firmiter precipiendo mandamus quatinus singuli vestrum in civitatibus et diocesibus vestris per vos vel per alios presumptores huiusmodi quod a tali presumptione desistant monitione premissa per censuram ecclesiasticam appelatione remota cogatis alisquin venerabili fratri nostro lucensi episcopo litteris nostris iniungi[...] ut ipse per se vel per alios mandatum super hoc apostolicum exsequatur contradictores auctoritate autem nostra [...]datione postposita compescendo non obstante aliqua indulgentia per quam mandati mandatum nostri executio super hoc quomodolibet impediri valeat seu et retardari. Data anagnie XIIº kalendas februarii, pontificatus nostri anno quinto», quibus publicatis et per lectis nobis ex partes predictorum archiepiscopi et capitulo conquerendo mostratum quod non nulli in vestris civitatibus et diocesibus comorantes detestande cupiditatis ac avaritie zelo succensi insignia beati Jacobi [...] conche in Galetia vulgaliter nuncupatur adulterina cudunt faciunt ac peregrinis ad Sanctum Jacobum cuntibus sive santa peregrinatione reddeuntibus vendunt non in modicum dicte compostellane ecclesie preiuditium et gravamen propter quod fuimus ex parte dictorum archiepiscopi et capituli cun instantia requisiti ut contra predictos vendentes et talia facientes procedere deberemus. Nos itaque volentes sicut tenemur mandatis apostolicis obedire vos ac vestrum singulos rogamus ac virtute sancte obedientie auctoritate apostolica qua fungimur vobis precipiendo mandamus ut in vestris civitatibus et diocesibus per vos vel per alios inhibeatis ne deinceps aliqui presumant dicta Sancti Jacobi insignia adulterina cu[....] facere nec et iam vendere quod si secus fecerint censura ecclesiastica contra eos necnon aliis iuris remediis proceda[...] nos et iam apostolica auctoritate talia facere presumentes semel secundo tertio et peremptorie monemus asignando eisdem [...]atum quindecim dierum ut desistant apredictis quod si non destiterint in eos ac in eorum singulos trina monitione premissa excomunionis sententiam ferimus in his scriptis quam excomunionis sententiam volumus ut in vestris ecclesiis et diocesibus faciatis dominicis diebus et festivis solempniter publicari. In quorum fidem et testimonium presentes litteras fieri fecimus sigilli nostri appensione munitas. Data Compostelle die XXIIII mensis maii, anno Domini Mº CCCº XXº VII.

Presentibus: venerabilibus viris dominis Magistro Iohanne, iudice; Martino Benardi, Cardinali; Aymerico de Anteiac, thesaurario; Fernando Martinez, canonico compostellano, ts. ad premissa vocatis specialiter et rogatis.

Ego Alfonso Iohanis, publicus notarius compostellanus, juratus subcripsi in eoque consueto signo signavi in testimonium premissorum.