Testamentum de Fernando Ordoniz de hereditate de Lausame et de
Berufi.

Era M^a CC^a XXX^a VIIII^a et quotum V^o nonas maii. Hec est ordinatio quam ordino ego Fernandus Ordoniz, pergens Ierosolimam, quomodo omnia mea ordinata remaneant. In primis mando ad Sanctum Justum pro anima mea et parentum meorum si illuc mortuus fuero totum meum quinionem integrum de Biruffi et adhuc mando ei medietatem de toto meo quinione de de villa Lausame cum tota directura intus et foris, et aliam medietatem mando ad filiam meam, et teneat ipsam medietatem mater mea quousque crescat ipsa filia mea et faciat ei de illa proficuum, et si mortua fuerit ipsa filia mea sine semine habeat ipsam aliam medietatem monasterium Sancti Justi, id est totum ipsum quinionem integrum, et cetera. Et si aliquis contra hoc uenerit sit maledictus et pariat solidos C, et cetera.

Q. p. f.: Martinus, ts. Johannes, ts. Didacus, ts. Johannes Petri, frater, conf. Johannes Tudini, frater, conf. Didacus Pelaiz, conf. Didacus Didaci, conf.

Munio, presbiter, qui notuit.