In Dei nomine. Ego Gamiro et uxor mea Nina ad vobis domno Aloyto abbati et fratribus vestris monasterii Cellenove. Sic vobis concedimus medietatem de nostra hereditate pro vestro renovo inter centeno et milio et vino modios C LXXXI. Damus vobis ipsas casas, torculare, terras, vineas, pumares, figares, saltos, devesas, arbores fructuosas, montes, fontes, pascuis, paludes, aquas aquarum, quantum in ipsa villa omnis ad prestitum est de terminis in terminis. Et abet ipsa hereditate iacentiam in villa Ansemiri vocabulo Sancta Maria, et fuit ipsa hereditate de patre nostro Toduldo et mater nostra Lovili et de nostras comparatas sive et de fundato vel et de contramutato. Levat se ipsa villa de aqua que discurrit de casa de Adulfo Salamiriz et fer in Sancta Maria, et vadit de termino de Ansemiri et fer in villa de Veiga, et inde in termino de Domenci, et inde in termino de Canione, quomodo ipsa villa in iure nostro obtinuimus, sic vobis inde medietatem concedimus que nobis bene complacuit pro ipso renovo modios C LXXXI, et pro vestra mercede dimisistis nobis inde modios L. Ita ut de hodie die et tempore sit ipsa hereditas de iure nostro abrasa et in vestro sit tradita vel confirmata. Si quis tamem, quod fieri non credimus, aliquis homo qui contra hanc cartulam vendicionis ad irrumpendum venerit vel venerimus, tam nos quam filii nostri, propinquus vel extraneus, et in concilio post parte vestra non auctorgaverimus, tunc pariemus vobis ipsas hereditates duplatas vel quantum ad vos fuerint melioratas et vos perpetim abituri.

Facta kartula vendicionis XVI ante Kalendas Februarias. In Era Millesima LX VIII.

Adefonsus et Gamirus et uxores nostras Adosinda et Nina, in hac cartulas venditionis roborem ingecimus (signum).

Sando Sendamiriz ts. Vimara Muniz ts. Magister Nebuzano ts. Toytoy ts. Aloyto ts. Leovigildo ts. Felles ts. Osorio ts.

Gulderes presbiter notuit.