Placito de Adam Muniz, miles, de hereditate de Villa Noua et de Treytes.

Era M^a CC^a XXX^a VIII^a et quotum XVI^o kalendas maii. Ego domnus Adam Muniz, miles, et omnis uox mea vobis domno Petro, abbati de Sancto Justo, et omni conuentu eiusdem monasterii et omnique uoci uestre facio pactum et placitum firmissimum in D solidis roboratum quod ego teneam de uestro iure et de uestro dato tantum in uita mea hereditatem uestram de Uilla Noua et de Treytes que fuit de Petro Antico, monacho uestro, et populem eam de uno jugo boum et de duabus uacis et una porca et X rexellos, semente quanta sufficere possit ad seminandum ipsam hereditatem; et uos datis mihi unum armentum bonum; et hoc faciam usque ad uenturum die sancti Martini. Et ego dem vobis annuatim de pane ipsius hereditatis duos quarterios per uestram talegam et unam grandem fogaciam triticam cum una cista de mazanis dante rege domno abbati in domo mea cum vino et piscato aut mittam eam per me ad monasterium cum aliis de Saa, et contineam in ipsa hereditate parentes et parentas de ipso Petro Antiquo, et eis ibi nullum malum faciam. Ad mortem uero meam dimittam uobis et monasterio uestro ipsam uestram hereditatem liberam et pacificam et bene populatam cum quanto ego ibi habuerim et profecerim, quod si ego, et cetera, totum non compleuero pariam penam placiti superius dictam, et cetera.

Q. p. f.: Johannes, ts. Petrus Pelaiz, ts. Pelagius, ts.