In nomine Domini nostri Ihesu Christi. Ego Tuda prolis Gundesalvi et Honega hacsi indigna et peccatrici facinoribus meis cooperta, et cupio Dei esse ancilla tibi pio hac redemtori meo Salvator mundi qui me ex nichilo creasti, et diem extremum vite mee huius mundi nescire fecisti sed dixisti prophetam, nolo mortem peccatoris sed ut convertantur et vivant. Et in alio loco dicit, Peccator in quacumque die conversus fuerit ad Dominum salvus erit. Et ipse dixit, Qui amat domos et agros vel possiones (sic) plus quam me non est me dignus, et qui reliquerit omni et sequitus me fuerit centuplum accipiet, et insuper vitam eternam possidebit. Et in alio loco dicit, Date et dabitur vobis, querite et invenietis, pulsate et aperietur vobis. Ego quidem inutilem et indignam suplex ancillarum Dei ancilla Tuda iamdicta, talia audiente et Dominus mihi inspirante, dabo atque concedo ad domus Domini Sancti Salvatoris sive et sanctorum apostolorum nostrorum, virginum et confessorum, quorum reliquie dinoscuntur in loco predicto monasterii Cellenove ubi corpusculum est tumulatum de viro meo domno Ruderico. Dabo ibi tres villas meas proprias quos habeo de mea ganantia per scriptura et benefacto quos fecit mihi ipse comite et vir meus domno Ruderico, coram omni concilio exceptis alias villas que in dote resonant. Et alias ganantias que postea ambos ganavimus, sed istas tres villas que supra retulimus concessit mihi illas more pacifico et asto animo in post anno pleno que ambo fuimus in uno convigio. Patent iacentia ipsas villas una in Limia que vocitant Ruderici, alias duas in Baroncelli una que vocitant Villa Maior et alia de Ervededo qui fuit de Materno Revelici. Ipsas villas iamdictas cum omnia sua prestantia et suas adiunctionibus quomodo illas mihi dedit comite domno Ruderico, sic et ego illas concedo ad domus Domini et loco predicto monasterii sepedicto Cellenove pro remedium anime illius et nostre memorie, et sicut fuit nobis per testum scripture de ipse iamdicto domno Ruderico. Ita et nos Domino adiuvante adimplevimus, ut hii habeat inde subsidium, et nos proinde mercis retributionis ante Deum qui hec elegimus, et cum Dei adminiculum adimplevimus quia ego propter volumtas defunctionis ipsius, et propter umationem corporis sui hec omnia adimplevi. Ita ut hab odierno die et deinceps sedeant ipsas villas suprataxatas de iuri nostro abrasas, et post monasterii parte et domus Domini sint traslatas atque confirmatas iuri quieto ad possidendum qui ibi conmorantes fuerint in ipso monasterio. Si quis tamen, quod fieri non credimus, aliquis homo surrexerit tam de parte ipsius vel nostra, propinquis vel extraneis // qui hunc factum nostri et firmitatis testamentum inrumpere voluerit, disperdat illum Deus et confringet potestas illius invens a fronte illius careat lucernis ambobus luminibus, et ad obitum vero suum non accipiat confessionem nec communionem sed perpetua confusionem cum Iuda Domini traditorem lugeat penas eternam in tartar\e\a damnationem, et pro temporali damno pariet ipsas villas duplatas vel tripladas post parte monasterii supradicti, et post rex aliut tantum vel iudex qui illa terra imperaverit alias consimiles tales aut amplius meliorem, et hanc series testamenti in cunctis diebus et temporibus plenam obtineat firmitatis roborem.

Facta kartula testamenti, Era M LXX VIIII.

Toda in hanc kartula testamenti quod fieri elegi, et manum meam roborem inieci (signum).

Sub Christi nomine: Osorius Fafilani cfr. Pelagius Nuniz cfr. Fufo Mauraniz cfr. Gundisalvus Menendiz cfr. Ikila Pelagiz cfr. Ero Tetoniz cfr.

Qui presentes fuerunt: Vimara ts. Alvaro ts. Sisnando ts. Baltario ts.

Vermudus notuit.