Noverint universi quod ego Arias Petri, compostellane ac lucense ecclesie decanus, tenens generalem ac habendam administrationem in bonis ac iuribus et iuridicionibus tam spiritualibus quam temporalibus pertinentibus ad hospitalle Santi Iacobi qui est in civitate Compostella, dono inter vivos, et assigno perpetuo ecclesie lucensis, ius patronatus eclesie Santi Georgi de Mouraços, site in archidiaconatu de Aveancis, lucensis diocesis, quod ius patronatus ad hospitalle predictum dignocitur pertinere. Dono etiam censum et quiquid temporalitatis in prefata ecclesia Santi Georgii memoratum hospitalle percipere consuevit. Et istam donacionem facio, supradicte ecclesie lucensis, propter multas gratias et graciosas utillitates quas hospitallem predictum ab eclesia lucensis et ab episcopis qui ibi pro tempore fuerunt cotidie recipit et recepit; et specialiter in bonis et possesionibus et iuribus qui ad hospitalle pertinent et sunt in lucensis diocesis constitua. Et ego dictum Rodericus, Dei gratia archiepiscopum compostellanum ac regni Legionis cancellarium, et capitulum eiusdem ecclesie, ut huic donacioni ex causa prefata [factum] suum benignum probeant assensum, in cuius rey testimonium rogavi Alffonsum Petri, publicum notarium lucensis, ut de promissis conficeret publicum instrumentum.

Actum Luci Vº nonas iulii, era Mª CCCª XLª VIIIª.

Presentibus: donno Gundisalvo Petri, archidiacono de Aveancis; donno Pelagio Roderici, archiacono de Deça; donno Martino Iohannis, archidiacono de Neyra; donno Iohanne Iohannis, thesaurario lucensis; donno Iohane Beçerra, iudice lucensis; Aria Petri, Nuno Martini, Fernando Fernandi, Petro Sebastiani, canonicis lucensis, et aliis pluribus.

Et ego Alffonsus Petri, suprascripti notarius, promissis omnibus interfui et ad preces predicti decani presens instrumentum scripsi et signum meum apposui in testimonium promissorum. (Signo).