Notum
sit omnibus per hoc scriptum
perpetuo valiturum quod ego Velascus
Roderici de Fonte Arcato vendo vobis magistro
Iohani de Sorbaria canonico auriense quandam
leyram vinee quam habeo in termino
auriense loco vocato Ranario et iacet inter
vineam successionis domini Petri
Faphianis archidiaconi quam tenetis vos
magister Iohanes et ex altera
parte iacet vinea Domenici Galleci et superius
intestat in vinea eidem successionis et inferius
ferit in via que ducit de Auria ad Ranarium.
Vendo vobis dictam leyram de foro
de quinta capitulo auriensi cum omnibus
iuribus, directuris et pertinentiis suis
liberam ab omni alio impedimento, ut vos et
omnis vox vestra habeatis eam ex nunc
iure hereditario perpetuo possidendum et de ea
faciatis quicquid vestre placuerit voluntati,
servato iure ecclesie auriensis et
consuedudinem civitatis. Totum enim
precium quod mihi et vobis
complacuit videlicet sexcentos morabetinos
monete domini regis Fernandi de que
computatur xvi par pro tribus
morabetinis confiteor me a vobis plenarie
recepisse in pecunia numerata. Omne ius,
dominium, posesionem et proprietatem
quod ego habeo in dicta leyra a me
ex nunc removeo et per traditionem istius
carte quam in vobis mando fieri et in
vestram transfero potestatem. Et obligo me et
omnia bona mea tan habita quam habenda
semper vos totamque vocem vestram cum
dicta venditione defendere ad (di)rectum.
Siquis igitur contra hanc meam
spontaneam venditionem in aliquo
venire tenptaverit, indignationem dei omnipotentis
et meam ma\le/diccionem incurrat et ausu
temerario voci regie c morabetinos bone monete
de pena persolvat, carta ista nichilominus
suo robore permanente. Regnante in Legione et
Castella rege domino Fernando, tenente Limiam
infante domino Philipo, episcopo Aurie domino
Petro. Facta carta Aurie, kalendis
augusti, era mª cccª xlª iiiª. Presentibus
Johane de Calvis cappellano. Martino Domenici,
Petro Moogo servientibus thesaurarii,
Fernando Petri petrario.
Et me Bartholomeo Petri thesaurario auriense eiusdemque
civitatis chancellario adibito et rogato premissis
interfui et in mea presencia scribi feci
signumque meum aposui in testimonium
veritatis.
(signum)